Муқеддес Калам (кирил йезиқ)
Зәбур 119
119-күй •••• Урушқақ хәлиқ арисида
«Жуқириға чиқиш нахшиси»
Бешимға күн чүшкәндә мән Пәрвәрдигарға нида қилдим;
У маңа җавап бәрди. 1
И Пәрвәрдигар, җенимни ялған сөзләйдиған ләвләрдин,
Алдамчи тилдин қутулдурғайсән. 2
Саңа немә берилиду,
Саңа немә қошулуши керәк,
Әй алдамчи тил?
— Палван атқан өткүр оқлар,
Арча чоғлири саңа тәгсун! 3
Мәшәк диярида мусапир болуп яшиғинимға,
Кедар чедирлири арисида турғинимға һалимға вай! 4
Мән течлиққа өчләр арисида узундин буян туруватимән;
Мән течлиқпәрвәрмән;
Бирақ гәп қилсам, улар урушимизла, дәйду.
Source notes (4)
- Footnote ◼ «Жуқириға чиқиш нахшиси» — бундақ мавзулуқ күйдин җәмий 15и бар. Буниң мәнаси тоғрилиқ алимларниң үч хил пикри бар: (1) Йерусалимдики иккинчи ибадәтхана ичидә һойлиға чиқидиған 15 пәләмпәй бар еди; һейт вақитлирида һәр бир пәләмпәйдә тохтап бир күй ейтилған. (2) Йерусалимға таваб қилиш һейтиға бармақчи (ибраний тилида бу «чиқмақчи» дегән сөз билән ипадилиниду) болған йолучилар бу нахшиларни ейтқан; (3) бу 15 күй Исраиллар Бабил империйәсидики сүргүнлүктин қутулуп чиқип, Йерусалимға қайтип кәлгәнлиги (ибраний тилида «чиққанлиғи»)ни тәбрикләйдиған нахшилар еди. Бизниңчә үч пикирниң һәммиси тоғра болуши мүмкин.
- Cross-reference ◘ 1Сам. 24:10; 26:19
- Cross-reference ◘ Зәб. 10:2; 58:8
- Footnote ◼ «Мәшәк диярида .... Кедар чедирлири арисида...» — «Мәшәк» — Исраил зиминидин әң чәт җай дәп һесапланған (бәлким һазирқи Москва яки Түркийә); Кедардикиләр болса Исраилниң Әрәб хошнилири һәм рәқиплири еди. Бу йәрдә улар бәлким Худани етирап қилмайдиған һәр хил әлләрни билдүриду.
Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.