Biblica® Open Urdu Contemporary Version 2024
زبُور 120
نغمۂ صعُود۔ عبادت کے لئے مُسافری نغمہ۔
میری اَذیّت کے وقت میں یَاہوِہ سے فریاد کرتا ہُوں،
اَور وہ مُجھے جَواب دیتے ہیں۔
اَے یَاہوِہ، دروغ گو لبوں
اَور دغاباز زبان سے مُجھے بچائیں۔
خُدا آپ کے ساتھ کیا کریں گے؟
اَور اُس کے علاوہ اَور کیا کریں گے،
اَے دغاباز زبان؟
کہ وہ تُجھے زورآور کے تیروں سے،
اَور جھاؤ کے اَنگاروں کے ذریعہ سزا دیں گے۔
مُجھ پر افسوس کہ میں مُلکِ میشکؔ میں بستا ہُوں،
اَور قیدارؔ کے خیموں میں رہتا ہُوں!
صُلح کے دُشمنوں کی صحبت میں رہتے ہُوئے
مُجھے بڑی مُدّت ہو گئی۔
میں صُلح پسند آدمی ہُوں؛
لیکن جَب بولتا ہُوں تو وہ لڑنے پر آمادہ ہو جاتے ہیں۔
Biblica® Open Urdu Contemporary Version 2024. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.