Biblica® آزادانہ اردو ہم عصر ترجمہ
زبُور 129
نغمۂ صعُود۔ عبادت کے لئے مُسافری نغمہ۔
”میرے دُشمنوں نے میری جَوانی سے مُجھے بہت ستایا،“
اِسرائیل اَب یہ کہے؛
”میری جَوانی ہی سے اُنہُوں نے مُجھے بہت ستایا ہے،
لیکن وہ مُجھ پر غالب نہ آئے۔
ہل جوتنے والوں نے میری پیٹھ پر ہل چلائے
اَور اَپنی ریگھاریاں لمبی بنائیں۔
لیکن یَاہوِہ صادق ہیں؛
اُنہُوں نے ہی بدکار لوگوں کی رسّیاں کاٹ کر مُجھے آزاد کر دیا۔“
صِیّونؔ سے نفرت کرنے والے
سَب شرم کے مارے پسپا ہُوں۔
وہ چھت پر کی گھاس کی مانند ہوں،
جو بڑھنے سے پہلے ہی سُوکھ جاتی ہے؛
فصل کاٹنے والا اُس سے اَپنی مُٹّھی بھی نہیں بھر پاتا،
اَور نہ پُولے باندھنے والے کی باہیں بھر پاتی ہیں۔
آس پاس سے گزرنے والے یہ نہیں کہہ پاتے،
”تُم پر یَاہوِہ کی برکت ہو؛
ہم تُمہیں یَاہوِہ کے نام سے برکت دیتے ہیں۔“
Biblica® آزادانہ اردو ہم عصر ترجمہ. Copyright © 1999, 2005, 2022, 2024 Biblica, Inc. Licensed under CC BY-SA 4.0. ”Biblica“ اَور ریاست ہائے متحدہ کے حُقُوق کی سند اَور رجسٹرڈ تجارتی کےذریعہ Biblica Inc نشان دَفتر میں درج ہیں۔وہ اجازت کے ساتھ اسیعمال کیا جاتاہے۔ “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.