Biblica® آزادانہ اردو ہم عصر ترجمہ
زبُور 125
نغمۂ صعُود۔ عبادت کے لئے مُسافری نغمہ۔
یَاہوِہ پر توکّل رکھنے والے کوہِ صِیّونؔ کی مانند ہیں،
جو ہلتا نہیں ہے بَلکہ ہمیشہ قائِم ہے۔
جِس طرح پہاڑ یروشلیمؔ کو گھیرے ہُوئے ہیں،
اُسی طرح اَب سے اَبد تک
یَاہوِہ اَپنے لوگوں کو گھیرے رہتے ہیں۔
بدکار لوگوں کا عصا راستبازوں کی مِیراث پر قائِم نہ ہوگا،
تاکہ صادق لوگ اَپنے ہاتھ بدکاری کی طرف نہ بڑھانے پائیں۔
اَے یَاہوِہ، نیک لوگوں کا،
اَور راست دِل والوں کا بھلا کریں۔
لیکن جو ٹیڑھی راہوں کی طرف مُڑ کر اُن پر چلنے لگتے ہیں،
اُنہیں یَاہوِہ بدکرداروں کے ساتھ باہر نکال دیں گے۔
اِسرائیل کی سلامتی ہو!
Biblica® آزادانہ اردو ہم عصر ترجمہ. Copyright © 1999, 2005, 2022, 2024 Biblica, Inc. Licensed under CC BY-SA 4.0. ”Biblica“ اَور ریاست ہائے متحدہ کے حُقُوق کی سند اَور رجسٹرڈ تجارتی کےذریعہ Biblica Inc نشان دَفتر میں درج ہیں۔وہ اجازت کے ساتھ اسیعمال کیا جاتاہے۔ “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.