Biblica® Wɔnhia ɛho kwamma nwoma Asante Twi Nkwa Asɛm
Nnwom 130
Ɔsorokorɔ dwom.
Ao Awurade, mefiri ebunu mu resu frɛ wo;
Ao Awurade tie me nne.
Wɛn wʼaso
ma me nkotosrɛ.
Ao Awurade, sɛ wobu yɛn bɔne ho nkonta a,
anka hwan na ɔbɛtumi agyina ano?
Nanso, wowɔ bɔnefakyɛ;
ɛno enti wɔsuro wo.
Metwɛn Awurade, me kra twɛn,
na nʼasɛm mu na mede mʼanidasoɔ ahyɛ.
Me kra twɛne Awurade
sene sɛdeɛ awɛmfoɔ twɛne adekyeɛ,
sene sɛdeɛ awɛmfoɔ twene adekyeɛ.
Ao Israel, ma wʼani nna Awurade so,
ɛfiri sɛ Awurade wɔ adɔeɛ a ɛwɔ hɔ daa
na ɔgyeɛ amapa wɔ ne mu.
Ɔno ankasa bɛgye Israel
afiri wɔn bɔne nyinaa mu.
Biblica® Wɔnhia ɛho kwamma nwoma Asante Twi Nkwa Asɛm. Copyright © 1996, 2020 Biblica, Inc. Licensed under CC BY-SA 4.0. akɔgye afiri United States Patent and Trademark Office de hyɛ wɔn nneɛma ahodoɔ nso. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.