Biblica® Open Akuapem Twi Contemporary Bible 2020
Nnwom 128
Ɔsoroforo dwom.
Nhyira ne wɔn a wosuro Awurade,
na wɔnantew nʼakwan so.
Wubedi wʼadwuma so aba;
nhyira ne yiyedi bɛyɛ wo de.
Wo yere bɛyɛ sɛ bobe a ɛsow aba
wɔ wo fi;
na wo mmabarima ayɛ sɛ ngodua a afifi
atwa wo pon ho ahyia.
Yiw, sɛɛ ne nea wobehyira
onipa a osuro Awurade no.
Awurade nhyira wo mfi Sion
na ɔmma wunhu Yerusalem yiyeyɛ;
wo nkwanna nyinaa.
Ɔmma wo ntena ase nhu wo mma mma.
Asomdwoe nka Israel.
Biblica® Open Akuapem Twi Contemporary Bible 2020. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.