Zakariya

Zakariya

Zakariya

Ucuɗuwu wa aatagada a nda

Zakariya ta̱ aɗa a sa'ani ba̱ta̱ re. Aɗa o ufaru a̱ɗiva̱ a nyan a̱ tyo kunla̱ (1-8) a ta a ɗa a adanshi e ikaka ya̱ a̱bunda̱ a Zakariya vumava̱sula̱ diga a mantsa koko'o diga a'wan ukpaku uton nu ushin 520 a̱ tyo ukpaku uton na̱ kupa na̱ kunla̱ 518 kafu limatan va̱ Yesu. Adanshi e ikaka'a a ta a aci alavu alavu, aza a na a̱ ri adanshi o usuwisa u lyuci gbain va̱ Urishelima, na̱ matawa ma akiza ma ama a̱ A̱sula̱, na̱ mantsa ma zamawawa ma na ma̱ ri lo a̱ ta̱wa̱.

Aɗa e ire diga a̱ɗiva̱ a̱ kucci a̱ tyo kupa na̱ a̱za̱ a̱ na̱shi (9-14) o ɓoloto ta̱ nlingata adama a zamawawa na a̱ ri e ipiri i na wa̱a̱ ta̱wa̱, oɓolo nu uge'etosu wu ukosu.

Cu'un vi ikaka i na A̱sulazuva a cayi Zakariya a̱yi ɗa a gura revetyo ama a̱ yi ana, na amayun u to shiton nzuwulai ma̱ yi, ko na wo o'woi babu mogono o ugundo wo Mogono Da̱wuda, waru babu A̱a̱'isa̱mapaɗa. Na̱ ne suru ama'a a̱ ri a̱bunda̱ shi waru a̱ ri nu ucira shi.

Ili i na i ri pe a̱tsuma̱ a aatagada a nda

Ikaka i morono ma atsuvu oɓolo na̱ mazuwa mo okolo 1.1; 8:23

Oforo adama o nron mu nden ma Isra'ila 9:1-8

Utsuru na̱ nden ma asuvu nna n ri elime 9:9 14:21.