Shipa va̱ Sulemanu

Shipa va̱ Sulemanu

Shipa va̱ Sulemanu

Ucuɗuwu wa aatagada a nda

Urevu wa aatagada a nda a̱yi ɗa ishipa i na i la'ai uyo'o a̱tsuma̱ a nshipa. Aatagada a nda a̱ ta̱ ni ishipa i na usheli nu ulobo a tsu yuwan adanshi va̱ni le adama e icigi i na aa yuwusaan aciyele. Mantsa mo ro a tsu yuwaan ta̱ adanshi a aci e le, mantsa mo ro waru a yuwan adanshi a aci n'utsa̱.

Ishipa nda a ca ta̱ ucuɗuwu u le a̱ re koko'o. A ta gura tara ulobo'o a̱ yi ɗa Mogono Suleimanu na aciya̱yi. A ta gura yuwan ɗesununa̱ wa aatagada a nda she damma uro u ɗa, ana, a tara ta̱ usheli a̱ 'ya̱wa̱ o u'wa u Mogono Suleimanu, amma usheli'i u ta̱ e icigi yi za ro ɗe a̱ mpulu nle, acina ukosu mawun ma ka'a u ga'an ta̱ nu ulobo wa̱ yi wu mpulu'u. Waru a ta gura ca ucuɗuwu wa alabari a nda tsi iroci i muwwulai e ekere a̱ A̱sula̱ na ama a̱ yi, ko A̱sulazuva na ama e itoni ya̱ yi.

Amma u ta gura yuwan e ɗenuna̱ wa aatagada a nda tsi ishipa za na o rocosu icigi yu ucira na̱ a̱ru'un za na ntsayi da̱na̱ ekere a vali na̱ ka. Na̱ ne suru a ta majiyan ma na a yuwain ulinga ni ishipa i nda'a uba̱ta̱ wa̱ a̱buki o lolo e iɗa ya Isra'ila ɗe nu ufaru.

Amma u ta gura o'wo a yuwan ɗesununa̱ a̱tsuma̱ aatagada a nda tsi ishipa za na o rocosu icigi yu ucira na̱ a̱ru'un za na ntsayi da̱na̱ ekere a vali na̱ ka. Na̱ ne suru a ta majiyan ma na a yuwain ulinga ni ishipa i nda'a uba̱ta̱ wa̱ a̱buki o lolo e iɗa ya Isra'ila ɗe nu ufaru.

Iliyamunga na̱ yipa̱lu aza a na a yuwain adanshi e le a̱tsuma̱ a aatagada a nda iroci i ɗa yi ili yi ikebe, aza a sa'ani, aza a na a zuwai a ama a yuwan majiyan mo ngono, na̱ tsugbain tsa̱ musula̱, nu u rocosu wi icigi.

Ili i na i ri pe a̱tsuma̱ a aatagada a nda

Upasu wu ufaru 1:1-2:7

Upasu wa̱ ire 2:8; 3:5

Upasu wa ta'atsu 3:6; 5:1

Upasu wa̱ na̱shi 5:2; 6:3

Upasu wa tawun 6:4-8:14

Shipa va̱ Sulemanu