Rutu

Rutu

Rutu

Ucuɗuwu wa aatagada a nda

A ta majiyan ma na a ɗana ta̱ a aatagada a nda a mantsa mo Mogono Da̱wuda ɗa, ko na wo o'woi e revei za na ɗanai aatagada a nda'a shi (Ka̱lyuwa̱ 4:17,21). Nna̱ ne ɗa, to, a ɗana yi ta̱ acina a'wan ukpakukupa ukpaku (1100) kafu mantsa ma na a matsain Yesu.

A labari a nda a fara ta̱ mantsa ma̱ ta̱ na alabari a na a̱ ri Aatagada o Uge'etosu, a mantsa ma na ama a Isra'ila a vadalayi A̱sula̱ ucina̱. A̱ yi uvadalasa wu ucina̱ u na a yuwai'in u rono le ta̱ addama. Aatagada a̱ Rutu o roco ta̱ a na a̱ A̱sula̱ aa tsu zuwaa ta̱ aza a na a cayi aciyele uba̱ta̱ wa̱ yi aba'un. A̱ yi aba'un a nda'a fo u ju'wa̱n ta̱ Rutu usheli wi iɗa ya Mowa hali na wo o'woi fo za vu ugundo wa Isra'ila.

Iwawi yu u'wa wa̱ Elimele na Buwaza yuwain a na u zuwai Rutu, u roco a na a ɗa e iwawi i ɗa a yuwusan a̱tsuma̱ a aatagada a nda (Ka̱lyuwa̱ 4:2-10). Lolo ndolo ɗaɗa ta̱wa̱i na̱ limatan va̱ Obe, akaya a̱ Da̱wuda, mogono ma gbain ma Isra'ila, za na o o'woi akaya a nkaya a̱ Yesu.

Ili i na i ri pe a̱tsuma̱ a aatagada a nda

Na'omi ka̱mba̱ ta̱ Batalami oɓolo na̱ Rutu 1:1-22

Rutu ga'ansa ta̱ na̱ Buwaza 2:1-3:18

Buwaza zuwa ta̱ Rutu 4:1-17

Ugundo wa Buwaza na̱ Da̱wuda 4:18-22.