Mekece

Mekece

Mekece

Ucuɗuwu wa Aatagada a nda

Aatagada e Mekece a casu alabari a aza a Isra'ila zuzu na̱ mantsa ma a'wan amunga diga mantsa ma na a lyawa Masasan ma Sinai hali a rawa upasu wu utyo wa asana wi iɗa i na A̱sula̱ a yuwain nzuwulai u ta ca le. Aala a aatagada'a u ta sapishi a̱ tyo e ili i gbain ya alabari'i, za na a̱yi ɗa mekece ma aza a Isra'ila ma na Musa yuwain a Masasan ma Sinai kafu a̱ 'yon uba̱ta̱'a̱, a̱tsuma̱ a̱ Mowa waru, asana o Uɗolu wa̱ Urudu, zuzu na̱ limatan ve elime ɗe elime wa'a. A̱tsuma̱ e memere me mekere n re'e, aza a Isra'ila a̱ 'ya̱wa̱ ta̱ Kadesh Baniya upasu wu uyagi wu utyo wa Ka'ana, agba a gura uwa e iɗa i na a yuwaan nle nzuwulai na̱ nɗe shi. Ana a yuwain a'wan na̱ a̱bunda̱ upasu'u, reve a̱ ka̱ra̱ a̱ tyo upasu wa asana wu Uɗolu wa̱ Urudu, uba̱ta̱ u na akapi a ama a̱ da̱nuyi reve akapi waru o foɓoi adama a pasa Urudu a uwa a̱tsuma̱ a Ka'ana.

Aatagada e Mekece alabari a ama a ɗa aza a na okolo e le a tsu kuɗusa kuci na a uwwai wovon a mantsa ma̱ a̱tsuma̱lima̱, aza a na waru a yuwayin A̱sula̱ aciyogbamu na̱ Musa za na A̱sula̱ a ɗangwai u rono le aɗanga. Alabari a̱ a̱ɓula̱ a̱ A̱sula̱ a ɗa, na̱ cine wa̱a̱ ka̱lyuwusa̱ ama a̱ yi kuci, suru nu ulambu wu ucira nu ulambu u tsutoni tsa̱ le, na̱ mishin mu ucira ma Musa, na̱ mantsa mo ro na u tsu kuɗa̱ a yuwan ankuri, nu ucawu wa aci a̱ tyo e ekere nu uba̱ta̱ wa ama a̱ yi.

Ili i na i ri pe a̱tsuma̱ a aatagada a nda

Aza a Isra'ila o foɓo ta̱ adama a̱ 'yon a Masasan ma Sinai 1:1-9:23

Mekece mo ufaru 1:1-4:49

Wila̱ icu'un icu'un ni ili i na a̱a̱ kuru 5:1-8:26

Mapasa me ire 9:1-23

Diga a Masasan ma Sinai a̱ tyo Mowa 10:1-21:35

Ili i na a yuwain a̱tsuma̱ a̱ Mowa 22:1-32:42

Ukoɗu wu mmalu diga Masar a̱ tyo Mowa 33:1-49

Mmalu ma aza a Isra'ila diga Masar a̱ tyo Mowa 33:1-49

Wila̱ kafu a pasa Uɗolu wa̱ Urudu 33:50-36:13.