Malaci

Malaci

Malaci

Urevu wa ala a nda Malaci a̱ yi ɗa za vi ikaka i va̱. A ɗana ta̱ Aatagada a nda a'wan ukpaku kupoton (500) kafu limatan va̱ Yesu, cina o koto usaa wa̱ A̱a̱'isa̱mapaɗa a̱tsuma̱ a̱ Urishelima. A̱ba̱jini e ikaka i vumava̱sula̱'a̱ a̱ yi ɗa ɗewu nan ganu oɓolo na ama a Isra'ila wira̱ uta̱ a na a lapula a̱ɓula̱ e le na̱ nzuwulai nle na̱ A̱sula̱. A mantsa mo ndolo ma ɗa wuma u nan ganu na ama a Isra'ila suru u yuwan una̱ta̱ nu uritosu wa̱ Musa shi. A̱ shi ta̱ paalasa A̱sulazuva a̱tsuma̱ a̱ re vu casu le na ntsayi na̱ yi.

Danshi na la'ai ucira a̱tsuma̱ a aatagada a nda a̱yi ɗa <<Urana wa̱ A̱sulazuva.>> A̱tsuma̱ o urana u ndolo, A̱sulazuva a̱ ta̱ ta̱wa̱ u yuwan uge'etosu reve waru wo o'woto ama a̱ yi cece. Amma kafu ili i nda i fara, u ta̱ lyungu na̱ za vi ikaka ya̱ yi na woo foɓo ure, na waru wa yuwan adanshi a nzuwulai ma̱ A̱sula̱.

Ili i na i ri pe a̱tsuma̱ a aatagada a nda

Nusu va aza a Isra'ila 1:1-2:16

Uge'etosu wa̱ A̱sulazuva nu urocosu wi iliyali ya̱ yi 2:17-4:6.