Mesun

Mesun

Mesun

Ucuɗuwu wa aatagada a nda

Kafu a matsan Yesu, a̱ da̱na̱ ta̱ nu uzuwu wo okolo a na za mesu'un a̱yi ɗa vumava̱sula̱ Irimiya. Aatagada a̱ mesu'un ma nda'a u tara ta̱ ishipa ya̱ a̱tsumola̱ngu a̱ na̱shi adama o ukototosu wa̱ Urishelima a na a rawai a'wan ukpaku kupoton nu ukpakuta̱li na̱ a̱za̱ ta̱li (586) kafu limatan va̱ Yesu, na̱ cine lyuci'i wo o'woi okongo oɓolo na̱ cine a tarai ama'a a̱ tyo tsugbashi. Ana o kotoi mesun ejere wu ufaru, a̱ da̱na̱ ta̱ ni ishipa yi za mesun aciya̱yi, kafu ishipa ya ta'atsu na̱ za va̱ na̱shi. Ko na wo o'woi aatagada a nda o roco ta̱ wuma wa̱ a̱tsumola̱ngu, na̱ ne suru, uzuwu wo okolo u tu uba̱ta̱ wa̱ A̱sula̱ oɓolo nu uzuwu wo okolo a̱ tyo nda elime. A̱tsuma̱ e idanshi i na i ri pe a̱tsuma̱ a aatagada a nda'a u ta̱ na̱ a̱ka̱nla̱ oɓolo na̱ mene. Mantsa na̱ a̱bunda̱ za na ri a̱tsumola̱ngu u tsu ɗe ta̱ A̱sulazuva a̱ ka̱lyuwa̱ a̱tsuma̱lima̱ a̱ yi, adama a na nɗa n ta̱ e nda ataɓu a̱ Sihiyona, za na A̱sulazuva e ɗesu Usheli Okolo a̱ va̱. Aza a Yahuda a ta yuwusan ulinga na̱ mesun ma nda'a a̱tsuma̱ a̱ a̱ga̱nda̱ a rana va akuli e le, na̱ rana va̱ a̱tsumola̱ngu adama a na a cuwan na addama a na a̱ ri a̱tsuma̱ e iɗa i le. Na̱ Tsuheleni, uguzu wi ishipa biti u teme ta̱ ni idanshi i ta̱ a̱tsuma̱ o ugeru wi idanshi wi idana yee elentsu'un. Uɗyo u tsuwe'e wi ishipa'a uɗyo u ɗa ko'o wi ishipa ya̱ a̱tsumola̱ngu.

Ili i na i ri pe a̱tsuma̱ a aatagada a nda

Ishipa ya̱ a̱tsumola̱ngu wu ufaru: A̱tsumola̱ngu a̱ Sihiyona 1:1-22

Ishipa ya̱ a̱tsumola̱ngu wa̱ ire: Uge'etosu wa̱ Urishelima 2:1-22

Ishipa ya̱ a̱tsumola̱ngu wa ta'atsu: Mesun ma za va̱ a̱tsuma̱lima̱ na̱ mazuwa mo okolo ma̱ a̱ yi 3:1-66

Ishipa ya̱ a̱tsumola̱ngu wa̱ na̱shi: Cina Urishelima riya̱ 4:1-22

Ishipa ya̱ a̱tsumola̱ngu wa tawun: Avasa adama o ulapulu wu nden 5:1-22.