Yunana

Yunana

Yunana

Ucuɗuwu wa aatagada a nda

A ca ucuɗuwu wu za na ɗanai aatagada a nda shi. Agba aatagada a nda a ca ta̱ alabari a Yunana vumava̱sula̱, vuma vu upasu wa asana e iɗa ya Isra'ila. U yuwan ta̱ mantsa ma̱ yi una̱ta̱ na̱ vumava̱sula̱ Hosiya na̱ Emo, oɓolo na mantsa mo mogono Yerobowam ve ire (2 Ngo 14:25.)

A̱sula̱ a̱ lyungu ta̱ Yunana a̱tyo Niniva lyuci gbain vi iɗa ya Asuriya, zana da̱na̱i a̱ tsushu'un ni iɗa ya Isra'ila. Amma Yunana 'yuwan ta̱ a̱ 'ya̱wa̱, hali u 'yon a suma elime a̱ A̱sula̱, adama a na u ri e icigi ya ama a Niniva a vadala A̱sula̱ a yuwaan le gafura shi. Amma a̱ A̱sula̱ a yuwan ta̱ ili i na i lobono niyi. Reve u ka̱mba̱to Yunana a̱tyo uba̱ta̱ wa ama a Niniva adama a na waa cuɗuwa le ikaka ya̱ yi. A̱sula̱ o roco ta̱ aciya̱yi a̱yi za vi iliyali ɗa oɓolo ni icigi ana u yuwayin a ama a Niniva gafura a mantsa ma na a vadalai.

Aatagada'a u tawa ta̱ ko'o na akapi ama̱sula̱ adama a na u ca ta̱ ikaka a̱tsuma̱ o ure wa alabari o una̱ wa alajiya.

Ili i na i ri pe a̱tsuma̱ a aatagada a nda

Ɗewu va Yunana nu ulambu u tsutoni tsa̱ yi 1:1-17

Uvadalasa wa Yunana na̱ tsutoni tsa̱ yi 2:1-10

Ikaka ya̱ A̱sula̱ a aci a Niniva 3:1-10

Iliyali ya̱ A̱sula̱ e ekere a Niniva 4:1-11