Hosiya

Hosiya

Hosiya

Ucuɗuwu wa aatagada a nda

A̱tsuma̱ a Isra'ila a mantsa mo ro ɗe iwuya i yuwan ta̱ a̱bunda̱ lon, adama a na ama a vadala ta̱ e reme a yuwusaan a̱ma̱li a̱ga̱nda̱. A mantsa mo ndolo vumava̱sula̱ Emos kuwa̱ ta̱ ɗe, agba vumava̱sula̱ Hosiya teme ta̱ alajiya a̱yi upasu u tsugono wu ugana wa Isra'ila, a̱ca̱pa̱ a wuma a vumava̱sula̱ Emos. Ili yo ndolo i fara ta̱ a mantsa mo urupulu wa aza a Isra'ila kafu a mantsa ma̱a̱ a̱risa̱ a Samariya a̱tsuma̱ a'wan ukpaku ucindere nu ushin na̱ za ta̱ (721) kafu limatan va̱ Yesu. Hosiya roco ta̱ a̱tsumola̱ngu a̱yi adama a mayan ma̱ a̱ga̱nda̱ a̱ a̱ma̱li a ama a̱yi, oɓolo nu ulambu wa̱ a̱ɓula̱ wa a ama a̱yi e ekere A̱sula̱. Waru u roco ta̱ ululu wu ulambu wa̱ a̱ɓula̱ o ndolo o una̱ u lolo wa̱ yi wu ulambu wa asuvu nden na̱ ka vu ulambu wa̱ a̱ɓula̱. Ununa ka va̱ yi Goma yuwaan niyi ulambu wa̱ a̱ɓula̱, ne ɗa ama A̱sula̱ a kasai na̱ A̱sulazuva. Adama o ndolo reve A̱sulazuva oforo ama a̱yi. Amma acina ukosu icigi ya̱ A̱sula̱ i na i tsu vadala shi o una̱ wa ama a̱yi i te e isawan hali hali, waru u ta̱ ka̱mbuwa̱ ama a̱yi uba̱ta̱ wa̱ yi nu ulapulu wu nden nle. Cu'un vi icigi i ndolo i roco ta̱ idanshi yu ucira a̱tsuma̱ aatagada a nda, idanshi i na yaa dansa, <<Cine maa lyawa wu? Cine waru maa kasa na̱ a̱vu Isra'ila? Okolo a̱ va̱ a̱ ta̱ ma̱zungwa̱, waru iliyali i va̱ i ta̱ da̱shishi.>>

Ili i na i ri pe a̱tsuma̱ a aatagada a nda

Lolo va̱ Hosiya na̱ limatan va̱ yi 1:1-3:5

Ikaka adama a Isra'ila 4:1-13:16

Ikaka yu uvadalusa oɓolo na̱ nzuwulai 14:1-9