Ezura

Ezura

Ezura

Ucuɗuwu wa aatagada a nda

A ca ucuɗuwu wu za na ɗanai aatagada a nda shi. A ta majiyan ma na a ɗana ta̱ aatagada a Ezura a a'wan ukpakuna̱shi na amunga (440) kafu limatan va̱ Yesu. Alabari aatagada a nda a lyuwa ta̱ elime diga uba̱ta̱ u na Aatagada Alabari e isawain.

Ukere wa̱ A̱sula̱ u da̱na̱ ta̱ pe a̱tsuma̱ e ili i na suru i farai a̱tsuma̱ aatagada a̱ Ezura. A̱sula̱ a yuwan ta̱ ne adama u shiton adanshi a na u yuwain o una̱ wa Irimiya.

Apa cine ili'i i farai:

1 Oɓolo o ufaru wa aza a Yahuda a na a̱ da̱na̱i e iɗa i tsugbashi a̱ ka̱mba̱ ta̱ diga a Babila o una̱ wu dammu u Mogono Sayiru va Pashiya.

2 A̱da̱shi ta̱ suwisa A̱a̱'isa̱mapaɗa reve a tawai, a̱vu a̱ ka̱mba̱ a yuwusan a̱ga̱nda̱ uba̱ta̱ wa̱ A̱sula̱ a̱tsuma̱ a̱ Urishelima.

3 Ana a yuwain a'wan o ro a̱vu oɓolo aza a Yahuda o ro a̱ ka̱mba̱ Urishelima za̱la̱ tsugbain tsa Ezura.

Ezura za vi iɗana ɗa nu urevu wu uritosu wa Musa. A̱yi ɗa u kambai ama a na a lapula wuma wi itoni i le, wa ana'an na̱ nfa'an, adama a yuwan tsutoni na agadu e le, na̱ nzuwulai ma̱ A̱sula̱ na̱ nda̱na̱ta̱ n sa'ani wa ama a Isra'ila.

Ili i na i ri pe a̱tsuma̱ a aatagada a nda

1 Uka̱mbu wu ufaru diga e iɗa i tsugbashi 1:1-2:70.

A suwisa ta̱ waru a tawa a̱ A̱a̱'isa̱mapaɗa 3:1-6:22

Ezura ka̱mba̱ ta̱ no ozo o ro diga e iɗa i tsugbashi 7:1-10:44.