Alajiya

Alajiya

Alajiya

Ucuɗuwu wa aatagada a nda

Aatagada a Alajiya a̱ tu utanuwu na̱ majiyan ma̱ a̱ru'un. Za vi iɗana'a u roco ta̱ a̱ba̱jini a ɗa, adama a mantsa ma wa'a ma na wuma wu vaɗilima̱ ri, na̱ cine urupulu u shitoyin wuma, nu urocosu wa aɗangulu a na a̱ ri na aci shi, oɓolo na̱ a̱tsuma̱lima̱, aza a na a̱ ta̱wa̱i nu ukosu wa adanshi adansa, <<Ili suru ili ye pere i ɗa>>. U gura reve re va̱ A̱sula̱ shi, za na ri ni ili i na i ri e ekere a̱ yi suru shi. Na̱ ne suru u tsu ca ama a yuwan ulinga nu ukadu shi, waru a uwwa uyo'o wu une'e wa̱ A̱sula̱ ele ubuwu wuma shi.

U ta gura wo o'wo cu'un majiyan ma̱a̱ a̱ru'un a nda'a ta̱ ta̱wa̱a̱ na̱ a̱tsuma̱la̱ngu ko wuta̱su wo ookolo. Amma a na wo o'woi o otoi Aatagada a Akiza a nda u roco ta̱ a na ucawu wo okolo o una̱ wu uritosu wa Aatagada a Akiza u ta̱ a̱ru'un lon. Hali na u tarai majiyan mo ulambu wu usuwu nu ulambu wu urevu. Ama na̱ a̱bunda̱ a̱ tsu tsura̱ ta̱ ikambishi a mantsa ma na e petelyuwei adanshi'i adama wo o'wo le tsa̱ ma̱suka̱ci. Waru a tsu gura ta̱ reve ana Aatagada a Akiza a nda'a za na aa casu ucuɗuwu wu cu'un majiyan ma nda'a, u ta̱wa̱ ta̱ nu uzuwu wo okolo uba̱ta̱ wa̱ A̱sula̱ za na aa casu wuma u sa'ani.

Ili i na i ri pe a̱tsuma̱ a aatagada a nda

Wuma u ta̱ nu urana gba? 1:1-2:26

Aɗa adama a wuma 3:1-11:8

Ukosu wa adanshi 11:9-12:8

Adanshi ke'en 12:9-14