Daniya

Daniya

Daniya

Ucuɗuwu wa aatagada a nda

A ɗana ta̱ aatagada a Daniya a mantsa ma na aza a Yahuda o sowuso a̱tsuma̱lima̱ lon e ekere wutsugbu nu u suɗatosu u mogono ma na ma̱ ri za va Yahuda shi. Ili na̱ a̱bunda̱ a na a cayi alabari e le pa nda, a fara ta̱ ɗa e iɗa ya Babila. Waru e reve ta̱ na ama a Babila a na a̱ ri e iɗa ya Kaldiya.

Zavi iɗana'a u yuwan ta̱ ulinga na alabari oɓolo nu ucuɗuwu wa alavu alavu adama a ca ama adanshi a mantsa ma̱ a̱ yi. U yuwan ta̱ ne adama a zuwa a na A̱sula̱ a̱ ta̱ mula̱ mogono ma wuya reve u ka̱mba̱to tsugono ekere a ama A̱sula̱.

Aatagada'a u tu utanu na a ɗa a̱ re.

1 Alabari adama a Daniya oɓolo na̱ a̱za̱ a̱ yi e iɗa i tsugbashi za̱la̱ tsugono tsa Babila na̱ Pashiya. Daniya oɓolo na̱ a̱za̱ a̱ yi gba a̱tsuma̱ o ure wu ucawu wo okolo e le uba̱ta̱ wa̱ A̱sula̱ na̱ tsutoni tsa̱ le uba̱ta̱ wa̱ yi ɗaɗa a̱ tsura̱i ulyuwu wa aci e ekere a n'yuwatan n le.

2 Ugeru wa alavu alavu a na Daniya enei, aza a na a cayi urevu u le a̱tsuma̱ e iroci na o rocosu u'ya̱sun tsugono na̱ a̱risa̱ e le.

Ikaka ya aatagada'a u ta̱ rocosu a na A̱sula̱ a̱ ri nu ucira e ekere tsugono oɓolo na̱ vaɗilima̱, o kototosu tsugono tsa a na a yuwusan tsushu'un na̱ yi, waru a̱ shuwisa̱ tsugono ta̱ a̱ yi, zana tarai nɗa suru.

Ili i na i ri pe a̱tsuma̱ a aatagada a nda

Daniya na̱ a̱za̱ a̱ yi 1:1-6:28

Alavu alavu a na o rocoyi Daniya 7:1-12:13

Inama a̱ na̱shi 7:1-38

Kyon na̱ ma̱ga̱ji 8:1-9:27

Za vi ikaka diga zuva 10:1-11:45

Mantsa mo ukosu.