Emos

Emos

Emos

Ucuɗuwu wa aatagada a nda

Emos ɗa vumava̱sula̱ vu ufaru na a ɗanai alajiya a̱ yi a̱tsuma̱ a Aatagada a Akiza uga'an. Ko na wo o'woi wu uta̱ ta̱ diga a̱ lyuci ro ɗa a̱tsuma̱ a Yahuda, suru na̱ ne u yuwan ta̱ alajiya a̱ yi o tsugono tsa Isra'ila wu upasu wu ugana. U yuwan ta̱ alajiya a̱ yi a̱tsuma̱ a a'wan ukpakucindere na̱ kupoton (750) kafu a matsan Yesu. Mantsa mo ndolo mantsa ma mawwa mo uyo'o ma ɗa ma̱ da̱na̱i lon, na̱ a̱bunda̱ a linga vi itoni, oɓolo na̱ nden lafiya. Amma Emos gura ta̱ idana mawwa mo uyo'o'o u ta̱ e ekere a̱za̱ o utsuru ɗa goon. Waru ozo o utsuru o ndolo a̱ tsura̱ ta̱ utsuru u le a̱tsuma̱ o ure wu ule'e nu ulambu wa amayun ni iɓongishi. Ikpa'a i ɗa i shunwai a̱tsuma̱ e itoni i le, waru nden n lafiya ya̱'a̱ le za vu urewesu u ɗa goon. A̱tsuma̱ a̱tsumola̱ngu no okolo ugbamu a ɗa u rono n le atsuvu a dansa A̱sula̱ a̱ ta̱ ge'eto iɗa'a. Reve u ɗe le na̱ a̱ ka̱mba̱ o toni amayun, u ta gura wo o'wo A̱sula̱ e ene iliyali ya aza a na a lyawai a̱tsuma̱ e iɗa'a.

Ili i na i ri pe a̱tsuma̱ a aatagada a nda

Uge'etosu adama aza a na a̱ ri na̱ nden a̱tsuma̱ a Isra'ila 1:1-2:5

Uge'etosu aci aza a Isra'ila 2:6-6:14

Alavu alavu o ton 7:1-9:15