2 Ngono

2 Ngono

2 Ngono

Ucuɗuwu wa aatagada a nda

A̱ yi aatagada a̱ ire o Ngono n nda, u lyuwa ta̱ elime a casu a labari o tsugono tsa Isra'ila na̱ Yahuda, diga uba̱ta̱ u na aatagada o ufaru wu Ngono mi isawain. A ta gura ne'eshe aatagada a nda tsun nda:

1 A̱ yi upasu wu ufaru u nda u ca ta̱ alabari o tsugono tsa Isra'ila na̱ za va a Yahuda diga a̱tsuma̱ aa'wan ukpakukupa kunla̱ na̱ kupoton (850) kafu limatan va̱ Yesu a̱ tyo ma̱riya̱ ma Samariya, za na a̱ yi ɗa ukosu u tsugono tsa a Isra'ila vu upasu wu ugana, a̱tsuma̱ aa'wan ukpakukupa ucindere na̱ ushin ne ejere kafu a matsan Yesu.

2 A̱ yi upasu u nda u ca ta̱ alabari o tsugono tsa a Yahuda diga ma̱riya̱a̱ mo tsugono tsa a Isra'ila a̱ tyo wu ukototosu Urishelima e ekere o Mogono Nebukanaza mogono ma Babila a̱tsuma̱ aa'wan ukpakukupa o uton na̱ kupa kunla̱ na̱ a̱za̱ a̱ ta̱li 586 kafu a matsan Yesu. Reve aatagada'a u koso na alabari Gedaliya gwamna va a Yahuda za̱la̱ va a Babila, oɓolo nu ucuɗuwu adama a malyawa ma Mogono Yehoyakin va a Yahuda diga a̱tsuma̱ o u'wa wa ali a̱tsuma̱ a Babila.

Wuntsa ta̱ a na e ɗenuna̱ a̱tsuma̱ aatagada o Ngono ununa a ɗana a le, e ekere alabari e iwawi. Na̱ ulambu wa̱ a̱ɓula̱ wa ama A̱sula̱ a na a ɗangulai na̱ ukototosu u tsugono tsa le, reve wo o'wo she damma u putsaa ta̱ ifoɓi i na A̱sula̱ a yuwain a adama e iwawi. Amma A̱sula̱ a buwa ta̱ ama ke'en a na, << A̱ kuɗa̱i a na a̱ kingyo wo musula̱ ma Ba'al.>> A̱ɓula̱ a akapi a ama a na a̱ shi a buwai u roco ta̱ amayun a nzuwulai ma̱ A̱sula̱ oɓolo na ama a̱ yi a̱ tyo elime. Aatagada'a u roco ta̱ cu'un vi ili i na a ama'a a yuwain, a gura a na a putsaa ifoɓi ya̱ A̱sula̱ adama e iwawi ya ama a̱ yi a na wa̱ lyungu zamawawa.

Ili i na i ri pe a̱tsuma̱ a aatagada a nda

1 Cine une'esun u tsugono u da̱na̱i 1:1-17:41

Elisha vumava̱sula̱ 1:1-8:15

Ngono ma a Yahuda na aza a Isra'ila 8:16-17:4

Ma̱riya̱ ma Samariya 17:5-41

Tsugono tsa a Yahuda 18:1-25:30

Diga ya Hezekiya a̱ tyo ya Josiya 18:1-21:26

Tsugono tsa Josiya 22:1-23:30

Ngono mu ukosu ma a Yahuda 23:31-24:2

Ma̱riya̱ ma̱ Urishelima 25:1-30.