1 Ngono

1 Ngono

1 Ngono

Ucuɗuwu wa aatagada a nda

A̱tsuma̱ a aatagada a nda, tsu tara ta̱ guzu koko'o a̱tsuma̱ a Adanshi a̱ A̱sula̱, waru tsu gere le ta̱ adama tsu ca aalabari a Adanshi a̱ A̱sula̱ diga a mantsa ma na aza a Isra'ila a̱ da̱na̱i na̱ ngono ma̱ a̱bunda̱ koko'o. Guzu nda a tara le ta̱ a̱tsuma̱ a atagada a nda: 1 na̱ 2 Ngono, na̱ Yunana, na̱ 2 Alabari, na̱ Daniya, na̱ Irimiya, na̱ Ezura, na̱ Nehemiya, na̱ Mika, na̱ Ishaya, na̱ Zakariya, na Aatagada e Ica.

A mantsa ma atagada ma nda, iɗa ya Isra'ila i ne'eshenlei ta̱ ure. Ngono n ro n le n da̱na̱ ta̱ na̱ a̱ɓula̱, amma ngono na̱ a̱bunda̱ a ta̱ o toni A̱sula̱. Reve A̱sula̱ a̱ lyungu ama̱sula̱ tsa̱ra̱ o rono ngono'o atsuvu, adama e ili i mejege i na a 'yuwain, a̱vu waru a damma le ili i na A̱sula̱ a cigai u damma ngono'o. A̱tsuma̱ e ili i na ama̱sula̱ a dammai adama o urana u ndolo u ɗa. Ili i ro gba shi a̱tsuma̱ e ili i na a dammai adama o urana u na Zamawawa a̱a̱ ta̱wa̱ ɗa. Ama na̱ a̱bunda̱ a̱ piri ta̱ uta̱wu wu Zamawawa u na ama̱sula̱ a yuwain adanshi a̱ yi. Yesu Kristi ɗa za na a yuwusain adanshi a aci a̱ yi.

A mantsa ma na vee ɗesununa̱ a̱tsuma̱ a aatagada a nda, vu te ene a na A̱sula̱ o foɓoi Yesu ta̱wa̱ tsundolo. Aalabari e iɗa ya Isra'ila u ta̱ nden mi iroci i na a 'yuwain A̱sula̱ waru ni iroci yi itoni ya̱ A̱sula̱. Ana'an A̱sula̱ a lyuwa ta̱ elime na̱ mayan mo ulinga nu u walasai elime e iɗa na ama.

Ili i na i ri pe a̱tsuma̱ a aatagada a nda

1. Une'esun u tsugono (1 Ngo. 9:1-14:30)

2. Iliya (1 Ngo. 14:31-17:24)

3. Iliya na ama̱sula̱ e epen a Ba'al (1 Ngo. 18:1-46)

4. Elisha (1 Ngo. 19:19 2 Ngo. 4:37)

5. Elisha na̱ Na'ama (2 Ngo. 5:1-6:23)

6. Yunana (Yun. 1:1 4:11)

7. Uriyu wa Isra'ila (2 Ngo. 17:1-41)

8. Uriyu wa Yahuda (2 Alb. 29:1 36:20)

9. Daniya na̱ n'utsa̱ ma̱ yi (Dan. 1:1 3:30)

10. A vari ta̱ Daniya a̱tsuma̱ a̱ a̱a̱ka̱ri e ikamu (Dan. 5:1 6:28)

11. A suwisa ta̱ A̱a̱'isamapaɗa (Irm. 29:1 Neh. 8:12)

12. Ama̱sula̱ a damma ta̱ a na Kristi a̱a̱ ta̱wa̱. (Isha 40:3 Dan. 7:14.)