1 Alabari

1 Alabari

1 Alabari

Ucuɗuwu wa aatagada a nda

Aatagada o ufaru na̱ za ire wa Alabari, na̱ a̱bunda̱ e le alabari a ɗa na̱ a̱a̱ tsura̱ a̱tsuma̱ atagada a Sama'ila na̱ za vu Ngono, amma a ca ta̱ alabari a nda nu urevetyowu u ro ko'o. A̱ ta̱ pe ni ili i re i na i ri a mmalu a̱tsuma̱ a alabari o tsugono tsa Isra'ila a̱tsuma̱ a aatagada o ufaru na̱ za ire wa Alabari.

1. Adama a na o roco suru na addama a na a̱ riya̱a̱ yi tsugono tsa Isra'ila na̱ za va a Yahuda, hali n gogo A̱sula̱ a̱ ta̱ mishin e ekere a nzuwulai n na u yuwayin iɗa'a, u to shitosun ifoɓi ya̱ yi adama a ama a̱ yi e ekere a aza a na a̱ ri na̱ nden a̱tsuma̱ a Yahuda. Za vi iɗana i nda u ca ta̱ urevetyowu wu ulyuwu wa aci a gbain a̱ Da̱wuda na̱ Sulemanu, na̱ yilapulishi yo Mogono Yehoshafa, na̱ za Mogono Hezekiya, na̱ za Mogono Yosiya, oɓolo na ama a na a̱ da̱na̱i na̱ a̱ɓula̱ uba̱ta̱ wa̱ A̱sula̱.

2. Adama o roco ununa a̱a̱ da̱na̱ a yuwusaan A̱sula̱ a̱ga̱nda̱ a̱tsuma̱ a Urishelima, na̱ cine o foɓoi ulinga u nan ganu na̱ aza a nan Levi. Ekere e ifoɓi i nda ɗa o toni shi na̱ mayan ma̱ a̱ga̱nda̱ a̱tsuma̱ A̱a̱'isa̱mapaɗa. Atagada alabari o roco ta̱ a na Da̱wuda ɗa shuwa̱i A̱a̱'isa̱mapaɗa ni ifoɓi yu ulinga wa̱ yi, ko wo o'woi Sulemanu ɗa ta̱ koso suwai A̱a̱'isamapaɗa'a.

Ili i na i ri pe a̱tsuma̱ a aatagada a nda

Ala o gundo 1:1-9:44

Ukwa̱ wa Shawulu Mogono 10:1-14

Tsugono tsa̱ Da̱wuda mogono 11:1-29:30

a. A̱tsuma̱lima̱ nu ulyuwu wa aci 11:1-22:1

b. Ifoɓi adama o usa wa̱ A̱a̱'isa̱mapaɗa