Aɗara̱kpi

Tagara̱da u

Aɗara̱kpi

Ukukpa̱ u kadyanshi

Tagara̱da u aɗara̱kpi u bidya ta̱ mele a kaci ka ulya kayala n uɗara̱kpusa u ɗa Kashila̱ ka na̱ka̱i aza a Isaraꞌila n aɗara̱kpi a le. Tagara̱da vi uyan ta̱ kadyanshi a kaci ka Kain ka Utakpa u Unyushi u Cingi n abiki a atoni a ɗa aꞌa̱ri n kalen. Tagara̱da u aɗara̱kpi u yan ta̱ dem kadyanshi a kaci ka uwulukpe, wata, u takpana ili iꞌya a wulukpei n iꞌya iꞌa̱ri na̱ nshinda̱, nala dem mele ma wenike ta̱ tyoku ɗa ama a ka rongo mai n atoku a le, kpam a wenike aza a unambi uciga. Uwenishike u pige u tagara̱da u na vi u ɗa uwulukpi u Kashila̱ n tyoku ɗa ama a ne a ka lyaka yi kayala, kpam n tyoku ɗa a ka shamkpa kazuwamgbani n <<Kashila̱ ka uwulukpi ka Samaꞌila.>> Idani iꞌya a lakai ureve pini a tagara̱da vi iꞌa̱ ta̱ a masala ma 19:18, iꞌya Yesu isa̱i mele ma pige ma ire, <<Ciga utoku u vunu tyoku ɗa va ciga kaci ka vunu.>>

Ili iꞌya iꞌa̱ri pini a tagara̱da u na vi

Mele a kaci ka uɗara̱kpusa u pige 1:1--7:38

Uneke u Haruna n alobo a ne a manyan ma tsuɗara̱kpi 8:1--10:20

Mele a kaci ka uwulukpe na̱ nshinda̱ 11:1--15:33

Kain ka Utakpa u Unyushi u Cingi 16:1-34

Mele a kaci ka utakuma u mpasa 17:1-16

Mele a kaci ka uwulukpi 18:1--22:33

Mele a kaci ka aꞌayin a uwulukpi 23:1--25:55

Una̱ u shinga n una̱ u cingi 26:1-46

Utsupuka kune a asu u Magono ma Zuba 27:1-34