তিতোস

তিতোসহিং

পাউলকো লাওয়া চিঠি

নাইপাওয়া

ই চিঠিহা পাউলহা তিতোসহিং লাওয়া চিঠিগা। তিতোসহা দোসরা জ্যাসো খ্রীষ্টান জিংওয়া নিমগা আসা আকুহা পাউলহিংয়া দেরেং হিংপাওয়া কামতা য়ুজ্রুওয়া ওয়াংতেংতেংঙেংওয়া পোজা নিমি। পাউলহা আকুহিংয়া মন্ডলিকো কামবি কাংকো ক্রেটতা এতেওয়া নিমগা। ই চিঠিসোহা সুংচো মাটা নুওয়াং কোইপামগা।

নাগাইহা, সিওচে ক্রেটতা য়ুংওয়া দিংঙাবিহা দুষ্ট জিংপুওয়াকো সোতা পাউলহা তিতোসহিংয়া মন্ডলিকো আগুওয়াবিতাহা হেপা য়ুংওয়া-তেইওয়া নিনেমে তাওয়া বিষয়তা প্যারা তাংপামগা। দোসরাহা, আকুহা তিতোসহিংয়া মন্ডলিতা নিওয়া পারাবিহিং, ওয়ারাংপাবি আসা মেরেংপুরি মেমেবি, ওয়াংতেংতেঙেংবি আসা ডেইয়াবিহিং ঝিপাওয়া নুওয়াংতা সল্লা পিচামগা। নোইস্যাতাহা পাউলহা তিতোসহিংয়া তিমেপা জোওয়া আসা মিলাইকো ছুওয়া নিনেওয়া, খ্রীষ্টানবিকো য়ুংওয়া-তেইওয়াহিং আপনিকোতা তিংপাওয়া, আদো দুসমন, স্যাসু-তোইংসুওয়া আসা মন্ডলিতা জিংওয়া মিছিওয়াবিসো বার্গাং য়ুংকো সল্লা পিচামি নিও।