Saame 122

1 ʻOku fakahā ʻe Tevita ʻene fiefia koeʻuhi ko e siasi, 6 Pea ʻoku ne lotu ke fiemālie ia.

Ko e Hiva ʻa Tevita maʻae ʻalu hake.

1Naʻaku fiefia ʻi heʻenau pehē mai kiate au,

“Ke tau ō ki he fale ʻo Sihova.”

2‌ʻE tuʻu homau vaʻe ki lotoʻā ʻi ho ngaahi matapā,

ʻE Selūsalema.

3Kuo langa ʻa Selūsalema ʻo hangē ko e kolo ʻoku māʻopoʻopo:

4‌ʻAia ʻoku ʻalu hake ki ai ʻae ngaahi faʻahinga,

ʻae ngaahi faʻahinga ʻo Sihova, ki he fakamoʻoni ʻa ʻIsileli,

ke ʻatu ʻae fakafetaʻi ki he huafa ʻo Sihova.

5He ʻoku fokotuʻu ʻi ai ʻae ngaahi nofoʻa ʻoe fakamaau,

ko e ngaahi nofoʻa ʻoe fale ʻo Tevita.

6Mou hūfia ke melino ʻa Selūsalema:

“ʻE monūʻia ʻakinautolu ʻoku nau ʻofa kiate koe.

7Ke ʻai ʻae melino ʻi ho ngaahi lotoʻā maka,

mo e monūʻia ʻi ho ngaahi fale fakaʻeiʻeiki.”

8Pea koeʻuhi ko hoku ngaahi kāinga mo hoku ngaahi kaumeʻa,

te u lea ni, “Ke ʻiate koe ʻae melino.”

9Koeʻuhi ko e fale ʻo Sihova ko hotau ʻOtua,

te u kumi ke ke lelei ai.