Jakkobbu

Lugwalo Lwa

JAKKOBBU

Manjililo

Jakkobbu wakalemba bbuku lyakwe “Kumikowa ilikkumi ayibili yakali sanseene mumanyika” (Jakkobbu 1:1). Injiisyo Jakkobu ilabeleka kubanaKkirisitu boonse pesi mabelekelo amajwi aaya, “Mikowa ilikkumi ayibili” ipa kuti zibe antanganana kuti Jakkobbu wakali kulemba kalangene abanaKkirisitu bachiJuda. Nkaambo lugwalo oolu lwakaleelede kuti lukasike kunkamu yabaabo babala, lijata mitwe yamakani miingi. Jakkobbu ulangide bulidilano akati kalusyomo amilimu. Lusyomo lwachoonzyo luyoozibikana amilimu (Jakkobbu 2:17). Alimwi ulachenjezya atala akusaluuzyana kubavubi (Jakkobbu 2:1-4). Alimwi ulatwaambila kuti tuchenjele atala anzitwamba (Jakkobbu 3:1-12).

Bwiime

Jakkobbu ujuzya babali balugwalo lwakwe (Jakkobbu 1:1)

Chitobela, usungwazya banaKkirisitu kuti bakakatile mukupenzegwa (Jakkobbu 1:2-27)

Eelyo waamba kuti ziyandika biyeni kuti lusyomo luliboniye mukwiinda mumulimu (Jakkobbu 2:1-26)

Kwayinda eezi waamba kuti alaanguzu biyeni majwi (Jakkobbu 3:1-12)

Eelyo Jakkobbu upandulula busongo bwaLeza mbubusiyene abusongo bwamunyika (Jakkobbu 3:13—4:10)

Chitobela, uchenjezya babali balugwalo lwakwe atala akulisumpula (Jakkobbu 4:11—5:6)

Jakkobbu umaninizya lugwalo lyakwe akupa malayilile asiyenesiyene (Jakkobbu 5:7-20)