Tonga Translation Project
BaKkolose 4
Nibasimalelo, amupe zyelelo zyeleede kubazike banu, nkaambo mulizizi kuti alanu mula Simalelo ulikujulu.
Malayilile
Amwinkilile anembo chakutaleka mukukomba, alimwi kamuli abulangilizi akupa kulumba; alimwi kamutukombela andiswe, kuti Leza atujulile mweenya wajwi, kuti tukakonzye kukambawuka insiiswa yaKkirisitu, nkaambo kayo lino ndilimubwaange, kuchitila kuti ndikonzye kwibikka antanganana, mbuli mbundeelede kwaambuula. 3 Amweende mubusongo kulibaabo batamuzi Leza, akubelesya kabotu mweenya woonse ngumulawo. Lino kuyooma kwanu akube kwaluzyalo, akondeelezya, kuchitila kuti mukazibe mbuumuyovwiila boonse.
Kujuzya Kwakumamanino
Tayikkikkasi uyomwaambila atala abuumi bwangu; ooyu mukwesu ngundiyandisya alimwi mukambawusi usyomekede mulanda muMwami. Ndilikumutuma kulindinywe nkaambo kacheechi, kuti mukazibe mbutubede akuti akasungwazye myoyo yanu, 5 anguwe Onisimasi, mukwesu usyomekede awuyandwa, ulingunguwe umwi wanu. Bayomwaambila zyoonse ezyo zilikuchitika kulindiswe okuno. 6
Arisitakkasi, mwaangema, ulamujuzya, aMakki, mujwa awisi aBbanabbasi. (Ooyu ngumwakatambula malayilile kuti Makki waza kulindinywe, mumutambule), alimwi Jesu, utegwa nguJasitasi alakwe ulamujuzya. Aaba batatu mbimbabo abalikke baalumi babupalulwe akati kabasimulimuma nkaambo kabwami bwaLeza, alimwi mbimbabo bakali kunduumbulizya. 7
Epafarasi, ooyu uli nguunguwe umwi wanu, mulanda waKkirisitu Jesu, ulamujuzya, ulamuyeeya kapati lyoonse munkombyo zyakwe, kuti mukonzye kwimikila nji amukumaninina kuzwide mukuyanda kwaLeza koonse. Nkaambo ndimujisilidi bukamboni kuti wakamubelekela changuzu abaabo bali kuLayodisiya abaabo bali muHayirapolisi. 8 Lukku musilisi muuyandisi aDimasi balamujuzya.
Mundijuzizye bakwesu balimu Layodisiya aNayifasi ambungano ilimuŋanda yakwe. Alimwi kuti lugwalo oolu lwakumana kubalwa akati kanu, mukalubale lubo mumbungano yakuLayodisiya; mpawo mukabone kuti lwabalwa lubo lugwalo luzwa kuLayodisiya. Alimwi mukati kuli Akkipasi, “Ulaange kuti wazuzikizya mulimu ooyu nguwataambula muMwami.” 9
Ime, Pawulu, ndilimulembela kujuzya ooku aluboko lwangu. Amuyeeye kuti ndili angidwe.
Luzyalo lwaLeza Lube andinywe.
Luzyalo lube andinywe.
Source notes (9)
- Cross-reference Lev 25:43,53.
- Cross-reference Rom 12:12.
- Cross-reference Ef 5:16.
- Cross-reference Ef 6:21-22.
- Cross-reference Film10.
- Cross-reference Inch 19:29; 27:2; Film24.
- Cross-reference Kkol 1:7; Film23.
- Cross-reference 2 Tim 4:10-11; Film24.
- Cross-reference 1 Kkor 16:21.
Tonga Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.