2 BaTesalonika
2 Thessalonians
Introduction from this edition
Lugwalo Lwachibili LwaPawulu Ku
BATESALONIKA
Manjililo
Lugwalo lwachibili kuBaTesalonika lwakalembwa aMutumwa Pawulu (2 BaTesalonika 1:1). Wakalemba lugwalo oolu muchiindi chifwiifwi naakamana lugwalo lwaBaTesalonika lutaanzi, mumunyaka wamakumi musanu alaamunyaka uumwi kaali Kkirisitu wazyalwa. Pawulu wakachili muKkorinte naakalemba lugwalo oolu kumbungano yakuTesalonika. Imbungano njakatalika kali mulweendo lwakwe lwakukambawuka kwachibili (Inchito 17:1-10). Mubbuku lyaInchito kwaambwa kuti imbungano eeyi yakali abaJuda bache abaGirikki bayingi.
Imbungano yakuTesalonika yakajata kapati azyiindi zyakumamanino, akuboola kwaKkirisitu kwachibili, nkaambo Pawulu wakalemba zyiingi atala anzizyo mumagwalo aaya aabili ngaakalembela BaTesalonika. Chisela chalugwalo chaBaTesalonika bachibili kulembedwe azyamamanino azyiindi. Pawulu wakapa machenjezyo lubo atala abantu batolo. Muntu woonse weelede kubelekela chakulya chakwe (2 BaTesalonika 3:6-10).
Bwiime
Pawulu utalika lugwalo akulungununa lwakwe abasimulimunyina (2 BaTesalonika 1:1-2)
Eelyo ulumba Leza ankaambo kambungano yamuTesalonika akubakombela (2 BaTesalonika 1:3-12)
Muchaandano chachibili, Pawulu waambuula atala amamanino azyiindi.
Eelyo waambuula atala abutolo abubotu bwakubeleka (2 BaTesalonika 3:1-15)
Pawulu umanisya akujuzya imbungano lubo (2 BaTesalonika 3:16-18)
Tonga Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.