यहूदा

यहूदक चिट्ठी

यहूदा

लिखुइया

लेखक अपनहे यहूदा हुइतुँ कहिके कहत, “मै येशू ख्रीष्टके सेबक और याकूबके भैया हुइतुँ” (

लिख्लक मिति और ठाउँ

लगभग ई. स. ६०-८०

यी चिट्ठीहे लिख्लक ठाउँ सिकन्दरियासे रोमसम मानजाइत।

भेटुइया

यी सामान्य कहाई, “उ बलागिलक मनैनके नाउँमे, जेने परमेश्वर बाबकमे दुलार और येशू ख्रीष्टके लग सुरक्षित बताँ”, सक्कु विश्वासीनके सन्दर्भमे देखे सेकजाइत। पर झूँटा चेलनके लग ओकर सन्देश जाँच करलमे देखा परत कि ऊ कौनो एकथो समूहक अपेक्षामे सक्कु झूँटा गुरुनके बारेमे कहता।

उद्देश्य

यहूदा यी चिट्ठी मण्डलीहे याद करवाइक लग लिखल ताकि ओइने लगातार सतर्क रहिके विश्वासमे बल्गर हुइँत, और झूँटा शिक्षक विरोध करिँत। ऊ सक्कु विश्वासीनहे उत्साहा देहक लग लिखल रहे। ओकर इच्छा रहिस कि ओइने झूँटा शिक्षक संकटहे चिन्हे सेकिँत। और अपनहे और दोसुर विश्वासीनहे बचाइँत। और जेने डगरसे बाहेर खरकगिल बताँ, ओइन्हे घुमानानिँत। यहूदा भक्तिहीन गुरुनके विरोधमे लिखतेहे। काकरेकी ओइन्के शिक्षा असिन रहिन कि परमेश्वरके दण्डक चिन्ता बिना कर्ले ओइने जसिन चाहिँत, ओस्तेहेँ जीवन जिअतिहिँत।

किताबके विभाजन

१. प्रस्तावना

२. झूँटा गुरुनके वर्णन और अन्त्य

३. ख्रीष्टके विश्वासीनहे उत्साहा