याकूब

याकूबके चिट्ठी

याकूब

लिखुइया

यी चिट्ठीहे याकूब लिखल

ऊ ओसिन विशिष्ट वर्गमे रहे, जेनहे येशू फेनदोस्रे जिके सेक्लाँ ते दर्शन देले रहिँत (१ कोरि. १५:७)। पावल उहिहे मण्डलीक “खम्भा” कहत (गला. २:९)।

लिख्लक मिति और ठाउँ

लगभग ई. स. ४०-५०

सन् ५० के यरुशलेम सभासे और सन् ७० मे मन्दिर ध्वस्त हुइनासे आघे।

भेटुइया

संभवत: यहूदिया और सामरिया प्रदेशमे छित्रल यहूदिनके जेने ख्रीष्टहे स्वीकार करलेले रहिँत। तथापि, याकूबके अभिवादन अनुसार, “उ बाह्रथो कुलहुँक्रिहिन्हे जेने छिटकके रहतिहिँत” यी वाक्यसे याकूबके मुख्य श्रोतनके बल्गर सम्भावना व्यक्त हुइत।

उद्देश्य

याकूबके सक्कुहुनसे भारी उद्देश्य याकूब १:२-४ से जाने सेकजाइत। सुरुक शब्दनमे याकूब अपन पह्रुइया मनैनसे कहत, “जब तुहुरे बहुत मेरिक परीक्षामे पर्बो, तब यिहिहे तुहुरे पूरा आनन्दक बात सम्झोहो। यी जानके कि तुहुरिन्के विश्वासके जाँच हुइत ते धीरजता पैदा हुइत।” यिहिसे फरछ्वार होजाइत कि याकूबके लक्षित समुदाय बहुत मेरिक कष्टमे रहिँत। याकूब यी चिट्ठीहे भेटुइया मनैनहे आग्रह करल कि ओइने परमेश्वरसे बुद्धि मागिँत

किताबके विभाजन

१. सच्चा धरमके बारेमे याकूबके निर्देशन

२. सच्चा विश्वास मजा कामसे प्रकट हुइत

३. सच्चा बुद्धि परमेश्वरसे मिलत