एफिसी

एफिसी शहरके मण्डलीहे पावलके चिट्ठी

एफिसी

लिखुइया

एफि. १:१ से फरछ्वार होजाइत कि यी चिट्ठीहे पावल लिखल। यी चिट्ठी पावल मण्डलीक सुरुवाती दिनमे लिखल कहिके जानमिलत। और सुरुवात ओहोँरकिक पुर्खा निउतरह्यनसे यकर सन्दर्भ फेन देगिल बा। जसिके रोम शहरके क्लेमेन्ट, इग्नेशियस, हरमास वा पोलीकार्प अस्तेहेँके औरे फेन।

लिख्लक मिति और ठाउँ

लगभग ई. स. ६०

संभवत: जब पावल रोमके झेलमे रहे, तब ऊ यी चिट्ठीहे लिखल।

भेटुइया

यी चिट्ठीहे पह्रुइया मुख्य मनै एफिसस शहरके मण्डलीक रहिँत। पावल फरछ्वारसे संकेत देहत कि ओकर पह्रुइया लक्षित मनै गैर-यहूदी विश्वासीन हुइँत। एफि. २:११-१३ मे ऊ फरछ्वारसे कले बा कि; उ चिट्ठीहे पह्रुइयन “जल्मत्तिक गैर-यहूदी हुइँत।”

उद्देश्य

पावलके इच्छा यहे रहिस कि जेने ख्रीष्टके हस सिद्धता चहथाँ, ओइने यी चिट्ठीहे स्वीकार करिँत। यी चिट्ठीमे परमेश्वरके सच्चा सन्तानके रुपमे आघे बह्रक लग जरुरी परना अनुशासन सम्झागिल बा। यकर बाहेक, एफिसी शहरके मण्डलीक लग लिखगिलक यी चिट्ठीमे विश्वासीनहे विश्वासमे हिर्गर रहक लग और बल्गर हुइक लग सहायता करगिल बा कि ओइने परमेश्वरके बोलावत और उद्देश्यहे पूरा करनामे सक्षम हुइँत। पावलके इच्छा असिन रहिस कि एफिसस शहरके ख्रीष्टियन विश्वासीन अपन विश्वासमे बल्गर हुइँत। तभुन फेन ऊ ओइन्हे मण्डलीक स्वभाव और उद्देश्यहे बुझाइत।

यी चिट्ठीमे पावल असिन बहुत्ते शब्दनहे प्रयोग करत, जिहिहे पह्रुइया गैर-यहूदी विश्वासीन बुझे सेकदारिँत। काकरेकी ओइने अपन पहिलेक धरमके रहिँत। जसिके कपार, शरीर, परिपूर्णता, रहस्य, युग, शासन आदि। ऊ असिन शब्दनके प्रयोग यहे कारणसे करल ताकि ओकर चिट्ठी पह्रुइयन बुझे सेकदारिँत कि ख्रीष्ट कौनो फेन देउँतनसे या आत्मिक प्राणीनसे भारी बताँ।

किताबके विभाजन

१. मण्डलीक सदस्यनके लग सिद्धान्त

२. मण्डलीक सदस्यनके कर्तव्य