३ यूहन्ना

यूहन्नक तेसर चिट्ठी

३ यूहन्ना

लिखुइया

यूहन्नक यी तीनथो चिट्ठी पक्कै फेन एकथो लिखुइयक कृति हुइँत। और अधिकांश विद्वाननके कहाई बतिन कि ऊ निउतरह्या यूहन्ना हो। यूहन्ना अपनहे “मण्डलीक अगुवा” कहिके कहत। मण्डलीमे ओकर हैसियत और ओकर आयुक कारण। ओकर सुरुवात, अन्त्य और शैली तथा दृष्टिकोण यूहन्नक दोसुर चिट्ठीसे अतरा धेउर मिल्थिस कि शंखै नै हुइत कि दुनु चिट्ठी एक्केथो लेखक नै लिखल हो।

लिख्लक मिति और ठाउँ

लगभग ई. स. ८५-९५

यूहन्ना एशिया प्रदेशके एफिसस शहरमेसे यी चिट्ठी लिखल रहे।

भेटुइया

यूहन्नक तेसर चिट्ठी गायसके नाउँसे रहिस। फरछ्वारे बा कि गायस कौनो एकथो मण्डलीक एकथो भारी अगुवा रहे, जिहिहे यूहन्ना चिन्हे। गायस पहुननहे स्वागत करत कहिके जनाजाए।

उद्देश्य

स्थानीय मण्डलीक अगुवाइमे आत्म प्रतिष्ठा और अभिमानके विरोधमे सावधान करना, गायसके प्रशंसनीय व्यवहारके गुणगान करना कि ऊ सच्चाइक उपदेश देहुइयनके जरुरीहे अपनसे धेउर ठाउँ देहे (पद ५-८)। दियुत्रिफेसके घिनलग्तिक व्यवहारहे दोषी ठहरैना, काकरेकी ऊ ख्रीष्टके उद्देश्यक आघे अपनहे भारी बनाए (पद ९)। दिमेत्रियुसके कदर करना, काकरेकी ऊ एकथो भ्रमणशील उपदेश देहुइया और यी चिट्ठीक वाहक हो (पद १२)। अपन चिट्ठी पह्रुइयनहे जानकारी करैना, ताकि ऊ झत्तेहेँ ओकर थेन आए (पद १४)।

किताबके विभाजन

१. प्रस्तावना

२. भ्रमणशील सेबकहुँक्रिहिन्हे पहुनक रुपमे स्वागत

३. खराबीक नै होके भलाईक अनुशरण करना

४. निष्कर्ष