१ पत्रुस

पत्रुसके सुरुक चिट्ठी

१ पत्रुस

लिखुइया

सुरुवातके पदसे जानमिलत कि यी चिट्ठीहे लिखुइया पत्रुस हो, “पत्रुसके ओहोँरसे जे येशू ख्रीष्टके निउतरह्या हो।” ऊ अपनहे “येशू ख्रीष्टके निउतरह्या” कहिके कहत (१ पत्रु. १:१)। उ चिट्ठीक माध्यमसे घनीघनी ख्रीष्ट येशूक दुःखके चर्चा कर्लक कारण (

लिख्लक मिति और ठाउँ

लगभग ई. स. ६०-६४

५:१३ मे लेखक बेबिलोनके मण्डलीक ओहोँरसे नमस्कार पठाइता।

भेटुइया

पत्रुस यी चिट्ठी एशिया प्रदेशके बहुतसे ठाउँमे बैठुइयन ख्रीष्टियन विश्वासीनहे लिखल रहे। संभव ते यी चिट्ठीहे भेटुइयनमे यहूदी और गैर-यहूदी विश्वासी दुनु रहिँत।

उद्देश्य

पत्रुस यी चिट्ठीहे लिख्नक उद्देश्य जनाइता: विश्वासके कारण सताजउइया विश्वासीनहे उत्साहा देना। ऊ ओइन्हे पूरा रुपमे भरोसा देहे चाहतेहे कि ख्रीष्टियन विश्वासमे किल परमेश्वरके अनुग्रह मिलत। तबेकमारे यी विश्वासहे नै छोरे परत। जसिके १ पत्रु. ५:१२ मे लिखल बा, “मै छोटकरीमे लिखके तुहुरिन्हे सम्झाइल बतुँ, और यी गवाही देले बतुँ कि परमेश्वरके सच्चा अनुग्रह यहे हो, यम्नेहेँ हिर्गर होके पलिरहो।” यिहिसे फरछ्वार होजाइत कि ओकर चिट्ठीहे पह्रुइयनमे बहुत जोरसे सतावट रहिन। पत्रुसके सुरुक चिट्ठीसे जाने सेक्जाइत कि पूरा एशिया प्रदेशमे ख्रीष्टियन विश्वासीनहे सताजाइतिहिन।

किताबके विभाजन

१. अभिवादन

२. परमेश्वरके अनुग्रहक लग हुँकार गुणगान

३. पवित्र जीवन जिना तरिका

४. अन्तिम नमस्कार