Biblica® Open Telugu Contemporary Version
కీర్తనలు 126
యాత్రకీర్తన.
యెహోవా సీయోను భాగ్యాలను పునరుద్ధరించినప్పుడు,
మనం కలలుగన్న వారిలా ఉన్నాము.
మన నోరు నవ్వుతో నింపబడింది,
మన నాలుకలు సంతోషగానాలతో నిండి ఉన్నాయి.
“యెహోవా వీరి కోసం గొప్పకార్యాలు చేశారు” అని
ఇతర దేశాలు చెప్పుకున్నాయి.
యెహోవా మన కోసం గొప్పకార్యాలు చేశారు,
మనం ఆనందభరితులం అయ్యాము.
దక్షిణ దేశంలో ప్రవాహాలు ప్రవహించేలా,
యెహోవా, మా భాగ్యాలను1 తిరిగి రప్పించండి.
కన్నీటితో విత్తేవారు
సంతోషగానాలతో పంట కోస్తారు.
విత్తనాలను పట్టుకుని,
ఏడుస్తూ విత్తడానికి వెళ్లినవారు,
సంతోషగానాలతో పనలు మోసుకువస్తారు.
Source notes (1)
- Footnote లేదా చెరలోనున్న మా వారిని తిరిగి రప్పించండి
Biblica® Open Telugu Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.