Biblica® Open Telugu Contemporary Version
కీర్తనలు 121
యాత్రకీర్తన.
కొండల వైపు నా కళ్ళెత్తి చూస్తున్నాను,
నాకు సహాయం ఎక్కడ నుండి వస్తుంది?
ఆకాశాన్ని భూమిని సృజించిన
యెహోవా నుండే నాకు సహాయం వస్తుంది.
ఆయన నీ పాదాన్ని తొట్రిల్లనివ్వరు,
నిన్ను కాపాడేవాడు కునుకడు.
నిజానికి, ఇశ్రాయేలు ప్రజలను కాపాడేవాడు
కునుకడు న్రిదపోడు.
యెహోవా నిన్ను కాపాడతారు,
యెహోవా మీ కుడి వైపున మీకు నీడగా ఉంటారు.
పగటివేళ సూర్యుడు కాని లేదా,
రాత్రివేళ చంద్రుడు కాని మీకు హాని చేయరు.
సమస్త హాని కలుగకుండా యెహోవా నిన్ను కాపాడతారు
ఆయన నీ ప్రాణాన్ని కాపాడతారు.
ఇప్పటినుండి నిరంతరం నీ రాకపోకలలో
యెహోవా నిన్ను కాపాడును.
Biblica® Open Telugu Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.