Biblica® Open Telugu Contemporary Version
కీర్తనలు 110
దావీదు కీర్తన.
యెహోవా నా ప్రభువుతో1 చెప్పిన మాట:
“నేను నీ శత్రువులను
నీ పాదపీఠంగా చేసే వరకు
నీవు నా కుడిచేతి వైపున కూర్చో.”
యెహోవా, “నీ శత్రువుల మధ్య పరిపాలించు!” అని అంటూ,
సీయోను నుండి మీ శక్తివంతమైన రాజదండాన్ని విస్తరిస్తూ, అంటారు,
మీ యుద్ధ దినాన
మీ దళాలు ఇష్టపూర్వకంగా వస్తాయి.
పవిత్ర వైభవాన్ని ధరించుకున్నవారై
ఉదయపు గర్భం నుండి మంచులా
మీ యువకులు మీ దగ్గరకు వస్తారు.
“మెల్కీసెదెకు క్రమంలో,
నీవు నిరంతరం యాజకునిగా ఉన్నావు”
అని యెహోవా ప్రమాణం చేశారు
ఆయన తన మనస్సు మార్చుకోరు.
ప్రభువు2 మీ కుడి ప్రక్కనే ఉన్నాడు;
తన ఉగ్రత దినాన ఆయన రాజులను తుత్తునియలుగా చేస్తాడు.
అతడు దేశాలను శిక్షిస్తాడు వారి భూములను శవాలతో నింపుతాడు;
అతడు సర్వ భూమిపై పాలకులను ముక్కలు చేస్తాడు.
దారిలో అతడు వాగు నీళ్లు త్రాగుతాడు,
కాబట్టి అతడు తల పైకెత్తుతాడు.
Source notes (2)
- Footnote లేదా ప్రభువు
- Footnote లేదా నా ప్రభువు మీ కుడి ప్రక్కనే ఉన్నారు;
Biblica® Open Telugu Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.