Biblica® Open Telugu Contemporary Version
యోబు 25
బిల్దదు
అప్పుడు షూహీయుడైన బిల్దదు ఇలా జవాబిచ్చాడు:
“అధికారం భీకరత్వం దేవునివే;
ఉన్నత స్థలాల్లో సమాధానాన్ని కలుగజేస్తారు.
ఆయన సైన్యాలు లెక్కించబడగలవా?
ఎవరి మీద ఆయన వెలుగు ఉదయించదు?
అలాంటప్పుడు దేవుని ఎదుట ఎలా నీతిమంతుడు కాగలడు?
అలాంటప్పుడు స్త్రీకి పుట్టిన ఒకడు ఎలా పవిత్రుడు కాగలడు?
ఒకవేళ దేవుని దృష్టిలో చంద్రుడు కాంతివంతుడు కానప్పుడు;
నక్షత్రాలు పవిత్రమైనవి కానప్పుడు.
పురుగువంటి మనుష్యుడు
క్రిమివంటి మనుష్యుడు ఆయన దృష్టిలో పవిత్రుడు కాలేడు కదా!”
Biblica® Open Telugu Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.