ကောလောသဲ 2

1ငါဟှာ နန်းနို့လေန လောဒိကိဗြို့သူဗြို့သားလေဟှနေစဘီး ငါ့ဟှို ဗြင်ဖူးသေးဘဲဟှူ တခြားလူလေတွပ် ဖယ်လော့‑က်ထိ ကြိုးစားဘီး လောက်ဆောန်ဟှူဇာလေဟှို နန်းနို့လေဟှို သိစေရှင်ပါဟှယ်။ 2အယ်မျိုး ကြိုးစားဘီး လောက်ဆောန်ရဟှူကြောန်းဟှ နန်းနို့လေ ဂူလောင်းဟှာ စိအားထတ်သန်ဘီး ရှင်းရှင်း တယော့‑က်ဟှိုတယော့‑က် ရှစ်ရှင်းမြစ်တာန စည်းလောင်းစေဟှို့တွပ် စစ်မှန်ဟှူ သိနားလည်မှုအားဖြင့် စိခ္လမှုအာမခံချစ်ဟှို ပ္လဲ့ပ္လဲ့ဝဝ ရရှိဂေ့ဟှို့တွပ်န၊ ဘုရားသခင်ရဲ့ လျှို့ဝှပ်နတ်နဲဟှူရာဖြစ်ဟှူ ခရစ်တော်ဟှို သိရဂေ့ဟှို့တွပ် ဖြစ်ဟှယ်။1 3အယ်မူခရစ်တော်ထဲမာ ဘုရားသခင်ရဲ့ ဉာဏ်ပညာဘဏ္ဍာ၊ သိပညာဘဏ္ဍာရှိဟှူမျှဟှို ဝှက်ဟှားတော်မူဟှယ်။

4အယ်ကြောန့် ဖယ်သူလည်း နန်းနို့လေဟှို ဖြားရောန်းဟှူ စကားလေန လှည့်ဇားစေန။ 5ငါဟှာ ကိုယ်ခန္ဓာအားဖြင့် နန်းနို့လေန ကွာဘီးနေရဟှူလည်းဘဲ့ စိဝိညာဉ်အားဖြင့် နန်းနို့လေနတူးဒူရှိပါဟှယ်။ နန်းနို့လေဟှာ တစည်းတလောင်းဒဲရှိဂေ့ဘီး ခရစ်တော်ဟှို ခိုင်းခိုင်မြဲမြဲန ယောင်ကြည်ဂေ့ဟှူဇာဟှို ငါဗြင်ရဟှူကြောန့် ရရာတိုင်းဘဲ့ ဝန်းသာပါဟှယ်။

ခရစ်တော်နှိုက် ကြွယ်ဝဟှူဘဝကြောန်း

6အယ်ကြောန့် နန်းနို့လေဟှာ ခရစ်တော် ယေရှုဟှို သခင်ဖြစ်န လတ်ခံဂေ့ဟှူကြောန့် ကိုယ်တော်န တလောင်းတဝဒဲ ဖြစ်ရှင်းအားဖြင့် သတ်ရှင်ဂေ့ပါ။ 7သွန်သန်ဇာလေဟှို ခံရဟှူတိုင်း ကိုယ်တော်နှိုက် နတ်နတ်နဲနဲ ပြစ်စွဲဘီးဟှာ ကိုယ်တော်ထတ်မာ ကိုယ့်ရဲ့ ဘဝသတ်တာဟှို တည်ဆော့‑က်ဘီး နန်းနို့လေရဲ့ ယောင်ကြည်မှု ခိုင်မြဲစေရှင်းအားဖြင့် ကျေးဇူးတော် ချီးမွမ်းရှင်းန ပ္လဲ့ဇောင်ဂေ့ပါ။

8ခရစ်တော်ရဲ့ တရားဟှို ခြေပြုဘဲန လောကရဲ့ ခြေခံတရားလေ လူလေရဲ့ ဓလေ့ထောင်းဒမ်းလေဟှို ခြေပြုဟှားဟှူ တွေးခေါ်ပညာလေန နှစ်သာရမှေ့ဘဲဟှူ လှည့်ဇားမှုလေအားဖြင့် ဖယ်သူလည်း နန်းနို့လေဟှို လုယူဖျစ်ဆီးဘဲနေဟှို့တွပ် ဒိပြုဂေ့ပါ။ 9ဖြားဖြစ်ကြောန့်နူးဆိုဟှာ ဘုရားရဲ့ ဇာတိတော်ရဲ့ ရှိဟှူမျှ ပ္လဲ့ဇောင်ရှင်းလေဟှို ခရစ်တော်ထဲမာ ကိုယ်ထန်ရှားဘီး ကိန်းဝပ်တော်မူလေဟှယ်။ 10နန်းနို့လေဟှာ အောက်ချောက်ရှင်း ခွမ့်အာဏာဂူလောင်းရဲ့ ဦးခေါန်းဖြစ်တော်မူဟှူ အယ်သခင်အားဖြင့် ပ္လဲ့ဇောင်ဂေ့ဟှယ်။

11ခရစ်တော်နဆိုင်ဟှူ ရေဖျားလှီးရှင်းအားဖြင့် သွီးသားဇာတိနဆိုင်ဟှူ ကိုယ်ခန္ဓာဟှို ခလွတ်ပယ်ဘီးဟှာ လူ့အားဖြင့်မှုဘဲဟှူ ရေဖျားလှီးရှင်းဟှို အယ်သခင်နှိုက် ခံယူဂေ့ဟှယ်။ 122နန်းနို့လေ ဗတ္တိဇံခံဟှူ ဇာအားဖြင့် ကိုယ်တော်နတူးဒူ သင်္ဂြိုဟ်ဇာဟှို ခံဂေ့ဘီး ခရစ်တော်ဟှို သေရှင်းဟှနေ ရှင်ပ္လန်ထမြော့‑က်စေတော်မူဟှူ ဘုရားသခင်ရဲ့ တဂိုးတော်ဟှို ယောင်ကြည်ဂေ့ဟှူကြောန့် ကိုယ်တော်နတူးဒူ ရှင်ပ္လန်ထမြော့‑က်ဂေ့လေဟှယ်။ 133နန်းနို့လေဟှာ စဟှ ပြစ်ကျူးလွန်ဟှူ သူလေဖြစ်ဂေ့ဘီး ကိုယ်ကာယရဲ့ ရေဖျားလှီးဘဲဟှူ ဖြစ်န သေနေဟှူ နန်းနို့ဟှို ဘုရားသခင်ဟှာ ခရစ်တော်နတူးဒူ သတ်ရှင်စေတော်မူဘီးဟှာ နို့လေကျူးလွန်ဟှူ ပြစ်ရှိဟှူမျှဟှို ခွမ့်လွှတ်ဘီး၊ 144နို့လေရဲ့ ပြစ်ကြွေးစာရင်းန၊ အယ်ပြစ်စာရင်းနဆိုင်ဟှူ ဥပဒေစည်းမျဉ်းလေ ဂူလောင်းဟှို လတ်ဝါးကပ်တိုင်မာ ရိုက်ရှင်းအားဖြင့် ပယ်ဖျစ်တော်မူလေဟှယ်။ 15အယ်လတ်ဝါးကပ်တိုင်ထတ်မာ ခရစ်တော်ဟှာ ဝိညာဉ်ရေးရာနဆိုင်ဟှူ တဂိုးရှင်လေန ခွမ့်အာဏာရှိဟှူမျှဟှို ဖယ်ရှားတော်မူဘီးဟှာ5 သူးနို့လေဟှို စစ်သုံးပန်းဖြစ် ဖမ်းဆီးခေါ်ဘီး အောင်ပွဲခံ လှည့်လည်ရာမာ လူလေ ဂူလောင်းဟှို ပြဟှို့တွပ် နော့‑က်ဟှနေ လိုက်ပါစေတော်မူလေဟှယ်။ 166

အယ်ကြောန့် စားသော့‑က်န ပတ်သတ်ဟှူ ဇာဘဲ့ဖြစ်ဖြစ်၊ ဘာသာရေးပွဲနေ့၊ လဆန်းနေ့၊ ဒန်းနေ့န ပတ်သတ်ဇာဘဲ့ဖြစ်ဖြစ် နန်းနို့လေဟှို ဖယ်သူလေဟှလည်းဘဲ့ စီရင်စေန။ 17အယ်မူဇာလေဟှာ နော့‑က်တခီမာ ဖြစ်ပေါ်လာမယ့် ဇာလေရဲ့ ရိရောန်မျှဘဲ့ဖြစ်ဘီး ကိုယ်စစ်ဟှ ခရစ်တော်ဘဲ့ဖြစ်ဟှယ်။ 18မှန်ဘဲဟှူ နှိခ္လမှုလေ၊ ကောန်းဂန်တမန်လေဟှို ဝတ်ပြုကိုးကွယ်မှုလေဟှို လေးနတ်ပြောဆိုဘီး သူးနို့တွိဗြင်ရဟှူ ဗျာဒိတ်ရူပါရောင်လေဟှို ကြောန်းပြုဘီးဟှာ သူးနို့ဟှ တခြားသူလေထတ် သာဟှယ်ဆိုဘီး ပြောဆိုတတ်ဟှူ သူလေဟှာ နန်းနို့လေဟှို ရှုံ့ခ္လဟှူခွမ့်ဟှို ပေးဂေ့န။ သူးနို့လေဟှာ လူ့သဘောအားဖြင့် စဉ်းစားဆင်ခြင်ဘီး ချည်းနှီးသတ်သတ် စိဘဝင်မြင့်နေဂေ့ဟှယ်။ 197သူးနို့လေဟှာ ကိုယ်ခန္ဓာရဲ့ ဦးခေါင်းဖြစ်ဟှူ ခရစ်တော်ဟှို မှီခိုအားကိုးမှု မှေ့ဂေ့ဟှ။ ခရစ်တော်ရဲ့ ထီးသီးမှုအော့‑က်မာ ဆစ်လေန ရိုးရှင်းဆစ်ပေးဟှူ ရွတ်လေအားဖြင့် ကိုယ်ခန္ဓာ တခုလောင်းဟှာ အဟာရဟှိုခံယူဘီး ဘုရားသခင် လိုတော်ရှိဟှူတိုင်း ကီးထွားတတ်လေဟှယ်။

ခရစ်တော်နတူးဒူ သေရှင်းန သတ်ရှင်ရှင်းကြောန်း

20နန်းနို့လေဟှာ ခရစ်တော်နတူးဒူ သေပီးဟှာ အယ်လောကရဲ့ ခြေခံတရားဟှနေဘီး ကင်းကွာဟှယ် ဆိုဟှာ ဖြားဖြစ်ကြောန့် လောကမာ သတ်ရှင်ဟှူမျိုး၊ 21“ထိန” “ကိုင်န” “ဗြဲန” ဆိုဟှူ စည်းမျဉ်းလေဟှို လိုက်နာနေဂေ့နူး။ 22အယ်မူရာ ဂူလောင်းဟှာ လူလေရဲ့ ပညတ်န သွန်သန်ချစ်လေ ဖြစ်ဟှူကြောန့် သောန်းပြုရင်းန ပျော့‑က်ကွယ် ပျစ်စီးဟှားမယ့် ရာလေဘဲ့ဖြစ်ဟှယ်။ 23အယ်မျိုး ဘာသာတရား စည်းမျဉ်းလေဟှာ ကိုယ်ခန္ဓာကျိုးန ဆိုင်ဘဲ ကိုယ်လိုလျောက် ကိုးကွယ်ဟှူဇာလေ၊ မှန်ဘဲဟှူ စိနှိခ္လဟှူဇာလေ၊ ကိုယ်ကာယဟှို နှိစစ်ဟှူဇာလေန ပတ်သတ်ဘီး ပညာရှိဟန်ပေါ်ဟှူလည်းဘဲ့ သွီးသားဇာတိရဲ့ တတ်မတ်မှုဟှို ချောက်တီးရာမာ ဖယ်မျိုးလည်းကျိုးပြုဟှ။