၁ သက်သာလောနိတ် 3

11

အယ်ကြောန့် နို့လေဟှာ အော့‑က်ဘီးနေနိုင်ဘဲဟှူကြောန့် အာသင်ဗြို့မာ နေရစ်ဟှို့တွပ် ဆောင်းဖြတ်ဘီးဟှာ၊ 2ခရစ်တော်ရဲ့ ကောန်းမြတ်ဟှူဒန်းကောန်းနှိုက် နို့လေရဲ့လောက်ဖော်ဆောန်ဖတ်ဖြစ်ဟှူ ဘုရားသခင်ရဲ့မှုတော်ဟှို စေခံလောက်ဆောန်ဟှူ နို့လေရဲ့ညီ တိမောသေဟှို နန်းနို့လေနားဟှို လွှတ်လိုက်ပါဟှယ်။ သူ့ဟှို လွှတ်ရဟှူကြောန်းရာဟှ နန်းနို့ရဲ့ ယောင်ကြည်မှုဟှို ခိုင်မြဲဟှို့န ခွန်အားပေးဟှို့တွပ်၊ 3အယ်မူဆင်းရဲဒေါက်ခအားဖြင့် ဖယ်သူလည်း ယီးယိုင်သွားဘဲန နေဟှို့တွပ်ဖြစ်ဟှယ်။ ဖြားဖြစ်ကြောန့်နူးဆိုဟှာ အယ်မူဆင်းရဲဒေါက်ခဟှို ခံရဟှူဇာဟှာ ဘုရားသခင်ရဲ့ လိုတော်ဖြစ်ဟှူကြောန်းဟှို နန်းနို့သိဂေ့ပါဟှယ်။ 4ဖြားဖြစ်ကြောန့်နူးဆိုဟှာ နန်းနို့လေနတူးဒူ ရှိနေဟှူခီဟှ ညှဉ်းဆဲနှိစစ်မှုလေဟှို ခံရမယ် ဆိုဇာဟှို နို့လေ ဒိပေးဟှားပီးဘီဖြစ်ပါဟှယ်။ နို့လေဒိပေးဟှူတိုင်းဘဲ့ ခုဖြစ်နေဇာဟှို နန်းနို့သိဂေ့ပါဟှယ်။ 5အယ်ကြောန့် စောင်ဇမ်းသွီးဆောန်တတ်ဟှူသူဟှာ နန်းနို့ဟှို ဖြားယောင်းသွီးဆောန်ဟှူကြောန့် နို့လေ ပန်ပန်ဗန်းဗန်းလောက်ဆောန်ဟှူဇာဟှာ ချည်းနှီးသတ်သတ် ဖြစ်ဟှားမယ်ဆိုဇာဟှို စိပူဘီး နေနိုင်ဘဲခီမာ နန်းနို့လေရဲ့ယောင်ကြည်မှုဟှို သိနိုင်ဟှို့တွပ် သူ့ဟှို ငါလွှတ်လိုက်ပါဟှယ်။ 62

အယ်ဘေမဲ့ ခုခီမာ တိမောသေဟှာ နန်းနို့လေနားဟှ ပ္လန်ရော့‑က်လာဘီး၊ သူဟှာ နန်းနို့လေရဲ့မြစ်တာန ယောင်ကြည်ရှင်းကြောန်း ဒန်းကောန်းဟှို နို့လေဟှို ပြောပြပါဟှယ်။ နန်းနို့လေဟှာ နို့လေဟှို မြဲဒမ်းဒိရဟှူကြောန်း၊ နန်းနို့လေဟှို နို့လေတွိရှင်ဟှူမျိုး နန်းနို့လေလည်း နို့လေဟှို တွိရှင်ဟှူကြောန်းလေဟှို တိမောသေဟှ ပြောပြပါဟှယ်။ 7အယ်ကြောန့် ညီကို မောန်နှမလေ နို့လေဟှာ ရာရာမာ ခတ်ခဲဘောန်းဇောင်န ဆင်းရဲဒေါက်ခလေ ခံရဟှူလည်းဘဲ့ နန်းနို့လေရဲ့ ယောင်ကြည်မှုအားဖြင့် နို့လေဟှာ သတ်သာမှုဟှို ခံစားရဂေ့ပါဟှယ်။ 8နန်းနို့လေဟှာ သခင်ဘုရားန တလောင်းတဝဒဲဖြစ်ဟှူရာမာ ကြံ့ကြံ့ခိုင်ခိုင် ရပ်တည်နိုင်ဂေ့ဟှူကြောန့် နို့လေ သတ်ရှင်ဟှို့တွပ် အားရှိဂေ့ပါဟှယ်။ 9နို့လေဟှာ ဘုရားသခင်ရဲ့ ရှေ့တော်မာ နန်းနို့လေအားဖြင့် ခံစားရဟှူ အယ်မူဝန်းသာရှင်း ဂူလောင်းဟှို ထော့‑က်ဘီး နန်းနို့တွပ် ဘုရားသခင်ဟှို ဖယ်မျိုး ကျေးဇူးတုံ့ပ္လန်နိုင်မယ်နူး။ 10နို့လေဟှာ နန်းနို့လေန တွိဆောင်ဘီး နန်းနို့လေရဲ့ ယောင်ကြည်မှုမာ လိုအပ်ချစ်ရှိဟှူ ရာလေဟှို ဖ္လဲ့ဆည်းပေးနိုင်ဟှို့တွပ် နေ့ရောညဉ့်ပါ စိအားထတ်သန်ဘီး ဆုတောန်းနေဂေ့ပါဟှယ်။

11နို့လေရဲ့ဖ ဘုရားသခင်န နို့လေရဲ့ သခင်ယေရှုဟှာ နန်းနို့လေနားဟှို နို့လေရော့‑က်လာနိုင်ဟှို့တွပ် လမ်းဖွမ့်ပေးတော်မူပါစေ။ 12နို့လေဟှာ နန်းနို့ဟှို ရှစ်ဟှူမျိုး နန်းနို့လည်း ရှင်းရှင်းရှစ်ဟှူ မြစ်တာနဖြစ်ဖြစ်၊ လူလေ ဂူလောင်းဟှို ရှစ်ဟှူ မြစ်တာနဖြစ်ဖြစ် တိုးပွားဘီး ကြွယ်ဝဟှို့တွပ် နန်းနို့လေဟှို သခင်ဘုရား ပြုတော်မူပါစေ။ 13အယ်သခင်ယေရှုဟှာ သူ့ရဲ့သန့်ရှင်းသူ ဂူလောင်းနတူးဒူ3 ကြွလာဟှူ ခီမာ နို့လေရဲ့ဖ ဘုရားသခင်ရှေ့တော်မာ နန်းနို့လေရဲ့ စိနှလောင်းဟှို ပြစ်တန်ခွမ့်န လွတ်ကင်းဘီး သန့်ရှင်းရှင်းန ခိုင်မြဲပါစေ။