யோபு 25

பில்தாதின் வார்த்தைகள்

1அப்பொழுது சூகியனான பில்தாத் மறுமொழியாக:

2“அதிகாரமும் பயங்கரமும் அவரிடத்தில் இருக்கிறது;

அவர் தமது உன்னதமான இடங்களில் சமாதானத்தை உண்டாக்குகிறார்.

3அவருடைய படைகளுக்குத் தொகையுண்டோ?

அவருடைய வெளிச்சம் யார்மேல் உதிக்காமலிருக்கிறது?

4இப்படியிருக்க, மனிதன் தேவனுக்கு முன்பாக நீதிமானாயிருப்பது எப்படி?

பெண்ணிடத்தில் பிறந்தவன் சுத்தமாயிருப்பது எப்படி?

5சந்திரனை அண்ணாந்துபாரும், அதுவும் பிரகாசிக்காமலிருக்கிறது;

நட்சத்திரங்களும் அவர் பார்வைக்குச் சுத்தமானவைகள் அல்ல.

6புழுவாயிருக்கிற மனிதனும், பூச்சியாயிருக்கிற மனுமக்களும் எம்மாத்திரம்” என்றான்.