Tito

Ya Sulat ni Pablo kan

Tito

Ya muna pagpa-edeꞌ

Si Tito utaw sakanan na Grigo na taga Antiyokiya sakup na Sirya, aw bekeꞌ sakanan na Judiyu. Sambuk sakanan na nyangintu-u kan Kristu asuntu sa palna-u ni Pablo, aw pigpa-agad sakanan ni Pablo aw ni Bérnabi adti Jérusalim. Mabasa adti Galasiya 2:1-3. Tyumabang sakanan kan Pablo adti syudad na Épéso aw pagsugu-un sakanan adti syudad na Corinto na un tumabang sa manga mangintu-uway kay awun migpabelengbeleng kanilan na manga magpalna-uway sa galuꞌ. Aw nya-imoꞌ sakanan uman maggagaday sa manga mangintu-uway adti puluꞌ na Krita, aw dun nan dawata ya sulat ni Pablo. Aw ka-ede-an adti 2 Timotiyo 4:10 na nyanaw uman si Tito adti probinsiya na Dalmatiya.

Na, asuntu na awun dyumateng na manga magpalna-uway sa galuꞌ dun ni Krita, yanagaw pigsulatan ni Pablo si Tito na palna-uwan nan ya manga utaw dun kun unu ya madyaw nilan dalugun. Kay awun uman manga mangintu-uway na Judiyu na gyumelgel kanilan na dalugun nilan ya manga katanem na manga Judiyu na yan ya migpabelengbeleng sa manga mangintu-uway na taga Krita.