Santiago

Ya Sulat ni

Santiago

Ya muna pagpa-edeꞌ

Madég ya Santiago na pigngalanan adti Bibliya, manang ya migsulat sa libru ini, yeiy ya inulug ni Jisus. Adti tingeg na Hibriyu, Jakub ya ngalan nan. Walaꞌ sakanan kaksay pangintu-u na si Jisus yan ya Kristu, manang dyumateng ya allaw na nyangintu-u la. Aw nya-imoꞌ sakanan sambuk na magdadumala͡ay sa manga mangintu-uway adti Jérusalim. Ka-ede-an tadun uman adti Manga Pigpan-imoꞌ na Manga Apostolés 15:13-21 ya pagpalna-u ni Santiago sa manga maggagaday kun unun nilan ya pagpalna-u sa manga Héntil na bagu nyangintu-u.

Pigsulatan ni Santiago ya kadég na utaw na Judiyu na nyangintu-u kan Kristu, dala ya manga migpanbeklag aw nyakadateng adti madég na banwa. Nyaka-una ya kanan sulat sa manga sulat ni Pablo. Dun ni sulat ni Santiago, migpalna-u sakanan sa manga madyaw na imo-unun na makalingeb aw magmatinaw sa kanaten pagpangintu-u. Aw adti pigsulat ni Pablo, pigpa-edeꞌ nan na dawaten kitadun na Tyumanem asuntu sa pagpangintu-u tadun kan Kristu.

Adti sulat ni Santiago madég ya pigkasampetan nan dala ya manga utaw na mayaman aw manga utaw na tagituꞌ. Kay kaliman nan pa-edeꞌ kanilan na walaꞌ ya pigkibang na Tyumanem.