2 Corinto

Ya Kadwa na Sulat ni Pablo adti//manga mangintu-uway na awun ni

Corinto

Ya muna pagpa-edeꞌ

Ya sulat ni Apostol Pablo ini, pigsulat nan talana pa nan adti Macédoniya. Migpalpa sakanan na lumikuꞌ adti Corinto, manang sa walaꞌ pa sakanan kadtu, una nan silan pigsulatan pada maga͡an ya ginawa nilan dumawat kanan.

Madég ya tud ni Pablo asini kanan sulat. Ya tagnaꞌ, kaliman nan na makalikuꞌ ya madyaw na ginawa na manga mangintu-uway kanan, kay nyelled idtu muna ya ginawa nilan asuntu na pigsagda silan ni Pablo. Ya kadwa, yan ya pagtubag nan sa manga usip na pigpadala na manga mangintu-uway kun ya pagka-apostol nan tengteng lyumekat adti Tyumanem. Ya sambuk uman na tud nan, kaliman nan na ma-ated da ya tabang nilan sa manga mangintu-uway adti eped na banwa.