Skip to content
BibleKenya

Mal

Mark

Introduction from this edition

Ilɔngɔ jaenda ja Yɛsu Kilisito // imbɛ bwachila MALEKO

MALEKO

WǏNGELELO

Maleko né wachila eke ketabo. Aetaneka kalɛ né Yɔani Maleko (Mengolo yě ngelela 12.12). Ona Maleko tabɛja mokekumva kyabala ikomi né babele. Ka abɛja né aɛnda na Pɛtɛlɛ ngelelǎ* ya Yɛsu-Kilisito. Mɛlɔndɔ ya bula moela yachila Maleko koetela Yɛsu-Kilisito amǐkunya né koetela Pɛtɛlɛ. Maleko achila eke ketabo mokoba tɛ asolele basǐ bale bayuda itɛnda ja Yɛsu. Ande achilande eke ketabo, tabɛja akanya kɔlɔla kelao ketangi imbɛ waketa Matayɔ. Maleko alangi tɛ Yɛsu-Kilisito né Mwǎna wa BƆSƆMWÁ ka Mwǎna we Moto. Ka alangeje kalɛ tɛ Yɛsu abaka mo kotomekela bato né kwǐoja mɔkɔmbɛ mokoba lakola. Ka ela mɛlɔndɔ olenge wa mebanga kole Maleko 10.45. Ǎla Yɛsu atɛndi tɛ : «Mokoba tɛ meno Mwǎna we Moto tabaka kolenga tɛ bato batomekele, mokoba tɛ meno nabaka né tɛ nibatomekele ne kolakola bato kǐnge.»

Maleko atɛndi mo koboteka kwa Yɛsu ka né wǎna wande ka atɛnda mɔ mɛlɔndɔ ya Yɛsu né abɛja nde ǐki kɛlɛmɛsɛ. Kɔ̌kɔla kelongi ke bosó ka né mokikomi né libele Maleko alangi bya ketande ko Galilaya kɔ̌kɔla mokiunda kekelongi 11 ně mɔnje né kwǐkomi né motoba alangeje byaketa Yɛsu ko Yudɛa né kenombe ke Yɛlusalɛma. Kochungekele, atɛnda mokokwa kwa Yɛsu ka ně kǔboka kwande. Asambǎ bitabo bisɛ binanji bǐlɔngɔ jaenda ja Yɛsu-Kilisito, Ketabo kya Maleko né kele kǐyeya. Monda né kela ketabo, itɛnda ja Maleko ja kɔkɔmɛnya nde né mesasa ya Yɛsu.

Songola Traduction. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.