Skip to content
BibleKenya
SIX Ep 4 Verse

Xoiteupo Kuna

Ep 4

Sini Kristusupo mupokemu purinuku sini Xoiteu nukou kapiani taiwopu

4—6

Sini Yesusure xosikisukiriai apimi xosiki tumaxi puropu

Ye1 Polu ye kakauya xosa purine, pa amure, ye Kokaipapu saina tiroune. Xoiteue nukoni kutu taiwakuaire yaitikeyaire ye nanune, pa xati nukoe xouwewotai asinaku kapiarei texakuaire xakumetikepurexine. Kireu apimi nini2 Yesusure xonikisuwoteneai irueni kutu tini purinari, asinaku kapia nini xosa kaka. Tini xosa kapia xoreiyereri kakixanari nini xosa kisamairatikexete. Tini kireni kirenie tinipo xotikikemu nini tinikinari ninie tini tiketeneai xu xemeroa. Xoiteupo Supo Youyae3 xosikikemu kirenini tumaxi puropu kapia sikati, pa kapiae muri sie taisikerati kireni kinipuere sini purinuku. Pa xati tini pa kapia soki tepure sokisokixa. Mupusiki kireni tuku4, Xoiteupo Supo Youya kireni tuku. Panumu sie tini kireni sapi kireni yakuwakuaire Xoiteue yaitikina, paiya Xoiteue siko xosa kakepurexetai asinaku sapi xousokuwopina. Kireni Kokaipa kireni purina5, xosikisuwopi kapia kireni, Xoiteupo wenumurei ene isepi kireni. Kireni Xoiteu tuku6, nu siko xokupa sikau Emisiki. Nue xokupa xuiapu oronikina, nue xokupa xuiapu xopuro saina tina, xokupa xuiapu xosa purina.

Kristusue7 kokaipa sokisoki xeika sipa xeika siko siketai xati, panumu sieni Xoiteue siko xokupa kireni kireni xouwesikina xoukemu siketai. Xoiteupo nakaue8 ipaki kunauna,

“Nue xouroni kutu xouna,

kokaipa kakauya apimi kini sonikati

nuko xeika xowoteneai.

Kakina sokisoki xeika sipa xeika

apimi tiniketai,” xetai.

Mua9 kuna “nu xouro xowotai” paiya Kristusu nu xouro kireni xowopu xuwexi atarisikina. Xuwe. Ximuximua nu ou toupai miniminikani kutu purotai xosa xowotai. Pa10 apue ximuximu ou minika xowotaieni, xouro rania xowotai. Nue xokupa sapi inainawopure, xokupa mena xouroni kutu xowotai. Nue11 sore muanumu sokisoki xeika sipa xeika siketai. Kireu apimi xosa paiya Yesusupo tianutianuwopi saina tiniketai. Kireu apimi xosa paiya kunatureture saina tiniketai. Kireu xosa paiya xuiapu xosa asinaku kuna uteiwopineri saina tiniketai. Kireu xosa paiya yayakunikepi saina tinikete Xoiteue xouwewotai kapia xuiapu taitainikepineri saina tiniketewotai. Sini Xoiteupo xuiapue nukou asinaku saina tepuxati Kristusue12 sokisoki xeika sipa xeika tianisikepure siketai. Pa xati Kristusupo mupokemu sokisoki xinapa ati puropina. Mua13 sainae xowoki xowoki wati xosikisukiri paie kakatia, sini xiri xosikikemu tumaxi purinuku siko xokupani Xoiteupo Nono sipawopu. Kakinuku Yesusure xosikisunuku sokisokixinukua Kristusu nuko sieni asinaku kapia tepu. Sini14 nono misiarara sie pani puropuxe, pa xakuxakutua nikau kuna paiya nini xoreixepineri xokupa kapia xiri sipani kutu, paie kakati xupeu xeika xasi xeikae sini xosa sokau porourouna sie porosikepuwatixe, ousoe xasi ukauro kamariorio tiririkixanauna xowopurexetai wese xowopu xuweurouna sie xuwe. Sini15 panumu kuna xosa xakusiki iyarepuxe. Xuwe. Sini kireu xiri xonikiewopi kapia tainuku nini xosa suau kuna kireni kunawopu. Kakinuku sokisoki xuiapu sainuku, siko tapusiki Kristusu xeika xiri lixepu, nue16 kakati sikou mupusikipo xokupa xupusiki siasiki ekisiki paiya nukoe siko kireni kireni saina siketai xati asinaku saina tirounuku. Nue kakati siko xokupa xosikitapapu tunie xiri kiritinuku kireu xatasikimana xosikienikepi kapia tairouna, pa kapia paie kakati mupusiki kokaipaxina sokisokixirouna.

Yesusure xonikisuwoteneai xuiapu nini oma kapia xosa texepineri

Pa xati17 ye tini xosa kire kuna kunawopure xine. Kokaipapu wenumurei ye ipaki sokisoki kuna kunaune, tini xukumi nikau kapia xosa pani texaku. Ninipo nanunanu paiya turutaruwati, ninipo sipa paiya18 ukumu sie xina. Nini sipa xiri xuwe xati, xonikikemu kitiere, pa xati nini Xoiteupo misepirei purorixe. Nini19 xoxixoxi kapia kakerineri paire mayaxirouworixe. Nini ayaka kapia kamatupo xosa maneri, xoxixoxi kapia kakepure xonikemu sana.

Tini Kristusupo kuna iyesari, Yesusu xosa purotai suau kuna taitaitiketeneaixi nanune. Paina ye sipa, tinie pa xukumi nikau kapia xoxi kakakuaire taitaitikepu xuwe. Tini rania ekime20 xipiki xotikikemupo kapia xosa texikiniai, paiya xoreiyeri xosiki saroati xoxi kapia kakepi xotapa, pa kapiae apu xoxixepina ime yatawotai. Pana ximine tini mua xipiki kapia kakepi xotapa xesauwari, tinipo nanunanu21 oma xepina. Tini22 oma xuiapu saya, paiya Xoiteu nukoini kakati oma xuiapu saineri Xoiteu nuko sieni purineri, pa amure, Xoiteu nuko ekero ninipo kapia paiya xiri teteiwoki xoseini kutu.

Pa xati23 tini xoreixepi kapia weta. Tini xokupae kireu xuiapu Yesusure xonikisuwoteneai xosa suau kuna kireni kunawa, pa amure, siko xokupa paiya kireni mupusikipo masa purinuku. Tini kisamairatikatia24, tini sosopa epixakuai. Panumu tini xunu eraku. Panumu tini kisamaira xosa purariporoni asau munoxete. Panumu25 tini Satanipo isima taiyaku. Petuae26 pani pexeni. Xuwe. Nini mua saina ati tineri, xokupa sapi tineria, kireu apimi xuru xuweu puroteneai tianikepineri. Tini27 kakixanari xoxixoxi ninia tinipo suputikerei wetari koxete. Xuwe. Apimi irerewoteneai sokisokinikepure, asinaku kuna kireni kopina. Muanumu kuna paie kuna iyeseteneai apimi xosa Xoiteue xouwesikina xoukemu sikirouna kapia kopina. Tinie28 Xoiteupo Supo Youya kakixari xoukemu tutumuriwaku. Xoiteu nukou xuiapuni kutu purakuaire yekutikina Xoiteupo Supo Youya tiketai, kakina xiyeri sotikati somoni kutu purakuai yause ataritikepurexina. Tini29 xokupa xotikikemu xoxixoxixepi kapia wetinari, makawopi wetinari, kisamaira wetinari, xatiki kopuwopi wetinari, pire wetinari, xokupa kapia xoxi weta. Tinie30 Yesusure xonikisuwoteneai xuiapu xotikikemu tinikinari nini xosa asinaku kapia kakinari, takitaki tianuwataxa. Xoiteue Kristusu wenumurei tinipo xunu wetetai sie, tinie ninipo xunu wetakuai.

Source notes (30)
  1. Cross-reference Ep 3.1;Pl 1.27;Kl 1.10;1 Ts 2.12;Pm 1; 9
  2. Cross-reference YT 20.19;Ka 5.22-23;Kl 3.12-13
  3. Cross-reference Kl 3.14-15
  4. Cross-reference Ro 12.5;1 Ko 12.4; 12.11-12;Ep 1.18; 2.16-18
  5. Cross-reference Yo 10.16;1 Ko 1.13;2 Ko 11.4;Ka 3.27-28;Ip 6.6
  6. Cross-reference Ro 11.36;1 Ko 12.6
  7. Cross-reference Ro 12.3; 12.6;1 Ko 12.11
  8. Cross-reference Siri 68.18;Kl 2.15
  9. Cross-reference Yo 3.13
  10. Cross-reference Ip 4.14; 9.24
  11. Cross-reference Ro 12.7;1 Ko 12.28;2 Ti 4.5
  12. Cross-reference 1 Ko 12.7;Ep 1.23;2 Ti 3.17
  13. Cross-reference 1 Ko 14.20;Kl 1.28; 2.2
  14. Cross-reference Ais 28.9;1 Ko 14.20;2 Ko 2.17;Ip 13.9
  15. Cross-reference Ep 1.22; 4.25;Kl 1.18;1 Yo 3.18
  16. Cross-reference Kl 2.19
  17. Cross-reference Ro 1.21;1 Pi 1.14
  18. Cross-reference YT 26.18;Ka 4.8;Ep 2.12;1 Ts 4.5
  19. Cross-reference Kl 3.5
  20. Cross-reference Ro 6.6; 8.13;Ep 2.2-3; 4.17;Kl 3.9;Ip 12.1;1 Pi 4.3
  21. Cross-reference Ro 12.2;Kl 3.10
  22. Cross-reference Stt 1.26;Ro 6.4;Ep 2.10;Kl 3.10
  23. Cross-reference Sek 8.16;Ro 12.5;Kl 3.8-9
  24. Cross-reference Siri 4.4;Ye 1.19-20
  25. Cross-reference 2 Ko 2.10-11;Ye 4.7;1 Pi 5.9
  26. Cross-reference 1 Ts 4.11;2 Ts 3.8; 3.11-12
  27. Cross-reference Ep 5.4;Kl 3.8; 3.16; 4.6;1 Ts 5.11
  28. Cross-reference Ais 63.10;Ro 8.23;Ep 1.13-14;1 Ts 5.19
  29. Cross-reference Kl 3.8; 3.18-19;Ta 3.2-3;1 Pi 2.1
  30. Cross-reference Mt 6.14; 18.22-35;Mk 11.25;2 Ko 2.10;Kl 3.13

Xoiteupo Kuna. Copyright © 2024 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.