Xoiteupo Kuna
2 Ts 3
Tesalonaika apimie ouyetutua apimi atineri kutunikepineri
3
Tinie Xoiteu xosa kunikuniwaria sini tianisikepina
Yewapu xura1, sini pani kire kuna tuku. Kuna paiya muai. Xoiteue sini tianisikepinaure tinie kunikuniwari, Kokaipapu kunae xokupa sanawayau oupapaina taki xopu kokaipa wenumu teyai sie tepina. Apimie2 xoxixoxi kapia kakirouneri xati, tinie Xoiteu xosa kunikuniwari nue apimi xoxi xupunikiropu sini xiyeri tisikepina. Tini sipa, xokupa apimie Kristusu xosa xonikisuworixe.
Pana3 Kokaipae suau kapiani kutu kakirouna. Pa xati sinie nureni kutu xosikisuwopu itou. Kakari nue tini sokisokitikina yakutikatia, Satanie tini xosa kire kapia kakepuwatixe. Tinie4 xokupa kapia kakakuaire sinie katikikiriai sie kakari, Kokaipae kakati sini paire atinuku sipaunuku. Pa xati sewai rania tini panumu kapia kireni kakakuai.
Kokaipae tinipo nanunanu taitaitikati, Xoiteue xuiapu xiri xouweniketaipo kapia xiri sipaunari, Kristusue sokisoki tumuna xu xemerotaipo kapia sipaunariwakuaire xinuku.
Xokupa apimi tini saina ta
Yewapu xura5, sikou Kokaipa, Yesus Kristusupo wenumurei sinie tini xosa sokisoki kuna ipaki kunaunuku, kireu xatasikimanae aini purineri pa kuna sinie tikiriai taiwopu xuweurouneria, tini weniki xetauro pura. Tini6 sipa, tini sinipo kapiani kutu taiwa. Sinie tini xeika purikiriai yause xosa, sini aini puriroukiri xana xuwe. Sinie7 tini xuputikiropu xoye aini tekixe. Xuwe. Sini isayaxirounuku. Sinie tini xu tepi xirarinuku, sokisoki saina tinuku asau ukumu irereiwowoukiriai. Sinie8 tini xosa xoye tepu xuweuwopinuku sie xuwe. Sini xoye tepinukuni kutu itouna pana sini tepu xuwe, pa amure, takieni asinaku kapia taiwakuaire sini ataritikinuku.
Tini9 sipa, sini taki xeikani purikiriai yause xosa, tini ipaki katikinuku, apue saina tepu xiraxina paiya, nu xoye tepuwatixana xuwe xikiriai. Pana10 kireu tini xosaupoe aini ouye purori sini pa kuna iyesinuku. Ninie kire saina terixe. Nini kireu apimi nikau xokupa sapire kunau xanauwopi saina kireni tineri, paiya ninipo sapi xuwe. Pa xati11 ximine Kokaipa Yesusu Kristusupo wenumurei sinie pa apimi mua sokisoki kuna ipaki kanikinuku, nini atinerini kutu misineri, saina tineri, nikou xoye sapini nepineri.
Yewapu xura12, tini kakixanari asinaku kapia kakepire ouyexaku. Sinie13 mua xokupa kuna nakau xosa xayaukiriai kire apue taiwopu xuweuna paiya, pa apu ati tumuworinari tini weu xetauro purari, nuko kaketai kapiaure mayaxepina. Paiya tini14 nupo xiwai xinari nanuwakuaire sini kunaukirixe. Xuwe. Sinipo xatasiki xinari, nupo nanunanu kutuwakuaire kuna tuwakuai.
Polue kuso kuna kaniketai
Kokaipa15 nu xoukemu yorowopi kapia xotapa, nue sipesi kakatia tinie xokupa sapi xosa xotikikemu yoroni purakuai. Kokaipae tini xokupa xeika puropina.
Ye16 Polu ye ikoini mua kuso kuna tini xosa xayaune. Ye nakau xayaunepa muanumu kuna xokupa nakau xosa xayauroune. Muaia ye yekuworitiai xupisui.
Sikou Kokaipa Yesusu Kristusue xousuaxati xouwesikirouna kapiae tini xokupa xeika puropina.
Source notes (16)
- Cross-reference Ep 6.19;Kl 4.3;1 Ts 5.25
- Cross-reference YT 28.24;Ro 10.16; 15.31
- Cross-reference Yo 17.15;1 Ko 1.9;1 Ts 5.24;2 Pi 2.9
- Cross-reference 2 Ko 7.16;Ka 5.10;1 Ts 4.10
- Cross-reference Mt 18.17;Ro 16.17;1 Ko 5.11-13;2 Ts 3.11-14;1 Ti 6.5;2 Yo 10
- Cross-reference 1 Ko 4.16;Pl 3.17;1 Ts 1.6
- Cross-reference 2 Ko 11.9;1 Ts 2.9
- Cross-reference 1 Ko 9.4-6;1 Ts 1.6
- Cross-reference 1 Ts 4.11
- Cross-reference 1 Ti 5.13;1 Pi 4.15
- Cross-reference 1 Ts 4.11
- Cross-reference Ka 6.9
- Cross-reference 1 Ko 5.9-11
- Cross-reference 1 Ts 5.14;Ta 3.10
- Cross-reference 1 Ts 5.23
- Cross-reference 1 Ko 16.21
Xoiteupo Kuna. Copyright © 2024 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.