Skip to content
BibleKenya
SIX 1 Ts 5 Verse

Xoiteupo Kuna

1 Ts 5

Sini kokaipa kopina yauseure ireiwopu

Yewapu xura1, sinie katikinuku panumu asau xosa panumu yause xosa pa sapi akipa xepinaxinuku kuna xayaunuku katikepukirixe. Takieni2 sipauweikiriai, Kokaipa kopina asau paiya petuae ukumani marouna sie sapauni kopina. Xuiapue3 ipaki kunauneri, “Ximine asinaku yauseni kutu. Xosikikemu yoroni puropu,” xeria, xuie nono iyarepure xeri tatau marouna sie nini xoxi nikepina sapie sapauni nini xosa mopina. Ninie pa sapi emeseriwopuworixana xuwe. Pana4 tini yewapu xura tini ukumu xosa purinuku xati, petuae moati apue xekeri urewotai sie tinie pa asau moati xekeri xoxi ure urewakuaixe. Xuwe. Tini5 xokupa paiya tini memeremu xeika asau xeika xosaupo apimi. Sini ukumu xeika xori xeikapu kini xuwe. Pa xati6 kireu apimi sie sini xinexekini. Xeuxana ekisikie pereu purati, nanusikie teteiwopina. Sini7 sipa, xinepineri apimi paiya, nini ukumani xinirouneri. Xisa xukoriwopineri apimi paiya, nini ukumani xisa xukorineri puturouneri. Pana8 sini asaupo kinia, sini atinuku nanunanu tepu. Sini Xoiteure xosikisunuku, kireu xiri xonikiewopi kapia tinuku, pa kapiae xomatua nikau nekei sie erepu. Kakinuku Xoiteu yakukiri xiyeri sosikepina kapia paiya, xomatua nikau koike sie kurorinuku, sini sokisoki tumunuku ati yakuwopu. Sini9 Xoiteu nukou kisamaira tepure sini tumusikerepu xuwe. Sikou Kokaipa Yesusu Kristusue xiyeri sosikepinaure nue sini tumusikeretai. Yesusue10 sini tianisikepure xumotai, pa xati sini ekisikioma purinukure e sini xumunukua, sini nu xeika ekisikioma puropu. Pa xati11 tini mua kakirounuku sie, tini kirenikirenie takitaki xotikikemu sokisokiwata akuai.

Tini Yesusure xotikisurounuku xuiapue takitaki tianuwata aukuai

Yewapu xura12, sinie tini ipaki katikepure xinuku, apimie tini tianitikepi saina teteneai irue pura. Kokaipae nini tinipo tumu iyainikerati purineri, tinipo kapia kutuwopure ninie tini kuna tikirouneri. Ninie pa saina tirounerire, tinie nanunanunari xotikikemu xiri asinaku xinari xiri xotikienika. Kakinari tini xokupae kireni xotikie pura.

Yewapu xura13, ouyeouye xirouneri apimi nikau kapia kutunari ximikirouneri apimi nikau xonikikemu sokisokinari sokisokixepu xuweu woteneai apimi tianikinariwakuaire tini saitikerepure xinuku. Kakinari tinie xokupa apimi peuni peuni nika.

Ninie14 tini xosa xoxixoxi kapia kakeria, tinie kaki xanari xapa taku. Xokupa yause tinie Xoiteupo xokupa xuiapu xeika kireu xuiapu xeika xosa asinaku kapiani kakepure sokisokixa.

Xokupa yause15 tinie xiri nimaririnari, sipesi16 kunikuniwakuai. Tini17 xuiapu Kristusu Yesusu xeika etokikiriaie panumu kapia tini xosa yaraxatia tini Xoiteu eiyasewakuai. Xoiteu nu panumu kapia xouweuna.

Tinie kire sapi kakakuaire Xoiteupo Supo Youyae saitikerepure xatia18, tini kakixinari nu paraunari, apimie tini19 xosa kunatureture kuna uteiwopure xeria kakixanari pa kunaure xotikikemu xoxixoxixaku. Pana20 xokupa kuna xeika kapia xeika ati erurunari uteiwakuai. Kakinari asinaku kapia kireni sokisoki tinari, xokupa21 xoxi kapia emeseriwa.

Xoiteu22 nu xoukemu yorowopi xotapa, nue kakati tinie tinipo ekitikioma xiri tuwaria tini xiri xokumo saitikerepina. Kakina tinipo xenitiki xeika muputiki xeika nanunanu xeika ati yakuwati, tini xiri asinaku purinaria sikou Kokaipa Yesusu Kristusue xiyeri kopina yause xosa tinipo xu xuwexepina. Xoiteue23 tini yaitikeyaina, nue pa xokupa sapi tini xosa kakepina, pa amure, nukoe xokupa kuna kunawoyaini kutu tairouna.

Yewapu xura24, tinie Xoiteu kunikuniwarini kutu sini tianisikepina.

Siko Xoiteupo xuiapu sikau kapia paiya25, tini kirenikirenie kireu uritoko nikakuai.

Kokaipapu wenumurei ye tini xosa sokisoki kunaune, mua nakau tinie Xoiteupo xokupa xuiapu xosanikini kutu xosa ninaxakuai.

Sikou Kokaipa Yesusu Kristusue xousuaxina xouwesiketai kapia tini xosa purina.

Source notes (25)
  1. Cross-reference Mt 24.36
  2. Cross-reference Mt 24.42-44;Lu 12.39;2 Pi 3.10;XKY 3.3
  3. Cross-reference Ese 13.10;Os 13.13;Mt 24.39;Lu 21.34-35;Yo 16.21-22
  4. Cross-reference Ro 13.12-13;1 Yo 2.8
  5. Cross-reference Ro 13.12;Ep 5.8-9
  6. Cross-reference Mt 24.42; 25.5; 25.13;1 Pi 5.8
  7. Cross-reference Lu 21.34-36;Ro 13.13;Ep 5.14
  8. Cross-reference Ais 59.17;Ep 6.13-17
  9. Cross-reference Ro 9.22;1 Ts 1.10;2 Ts 2.13-14;1 Pi 2.8
  10. Cross-reference Ro 14.8-9;2 Ko 5.15;1 Ts 4.14
  11. Cross-reference Yu 20
  12. Cross-reference 1 Ko 16.18;Pl 2.29;1 Ti 5.17;Ip 13.7; 13.17
  13. Cross-reference Ka 5.22; 6.1-2;Kl 3.12;2 Ts 3.6; 3.11; 3.15;Ip 12.12
  14. Cross-reference Asin 20.22;Mt 5.39;Ro 12.17;1 Ko 6.7;1 Pi 3.9
  15. Cross-reference 2 Ko 6.10;Pl 4.4
  16. Cross-reference Lu 18.1;Ep 6.18;Kl 4.2;1 Pi 4.7
  17. Cross-reference Ep 5.20;Kl 3.17
  18. Cross-reference Ep 4.30;1 Ti 4.14;2 Ti 1.6
  19. Cross-reference 1 Ko 14.1; 14.39
  20. Cross-reference 1 Ko 2.11; 2.15;Pl 4.8;1 Yo 4.1
  21. Cross-reference Yop 1.1; 1.8; 2.3
  22. Cross-reference Ro 15.33;1 Ko 1.8;Pl 4.9;1 Ts 3.13;2 Ts 3.16
  23. Cross-reference 1 Ko 1.9; 10.13;2 Ts 3.3
  24. Cross-reference Kl 4.3;2 Ts 3.1
  25. Cross-reference Ro 16.16

Xoiteupo Kuna. Copyright © 2024 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.