VaRoma

Tsamba Ridonyohwa

naPhauro

KUWIDZIRA

Bhuku ravaRoma rinogona kunge ridonyohwa noNhumwa Phauro panguwa iri pakati pomakore 54 na 58 musure mokuberekewa kwaKhirisitu. Phauro wanga asati wabvakachira Roma saka adotumira tsamba rakareri kuti araire maKhirisitu vomuRoma, vochiJudha novasiri maJudha. Adonyora tsamba iri ari muguta rovaKorinde maaigara panguwa iyoyo. Phauro adonyorera kuti marudzi yese yatende uye kuti yateerere Jesu Khirisitu VaRoma 16:26. Chikamu chokupedzisira chavaRoma zvitsauko (1-12) chino dzidziso youmwari idodzika uye chikamu chochipiri (13-15) chinorairo yozvokuita zvidowanda paupenyu hwochiKhirisitu.

Bhuku ravaRoma ibhuku ridokoshera maKhirisitu kwese kwese nomunguwa dzese nondava yokujekesa nokupedzeredza kunoitiwa naPhauro pakutsanangura ruponiso ratinogona kuwana kuburikidza naJesu Khirisitu. Phauro anobatanidzawo vhangeri raJesu Khirisitu noChibvumirano Chokare. Ana mazvikokota vodzidzo vazinji vanobvumirana kuti (VaRoma 1:16) ndiyo ndima yobhuku rakareri iri pakatorotoro mubhuku rakareri. Inoti, “Handinyare kuparidza vhangeri, ndava isimba raMwari rokuponesa wese anotenda, kuthanga nomuJudha, tevere vodzimwe Ndudzi.”

Marongehwo:

Phauro anothanga tsamba yache nokuzvizivisa kuti iye mbani nokutaura kuti mbani waarikunyorera (VaRoma 1:1-15)

Chochipiri anonyora mamiriro yanowanika pamunhu wese nokukwanisika kworuponiso kuburikidza naJesu Khirisitu (VaRoma 1:16—11:36)

Pasure pozvakarezvo Phauro anopereka rairo yozvokuita zvidowanda zvinodiwa pakurarama kwochiKhirisitu (VaRoma 12:1—15:13)

Anopedza tsamba ravaRoma nokumoresa vanhu vadosiyana siyana mukherekhe iri paRoma (VaRoma 16)