Judhasi

Tsamba

raJUDHASI

Kuwidzira

Tsamba rinoitiwa Judhasi ridopasiwa zita romunyori warene, anova Judhasi. Judhasi anozviita hama yaJakobho, waiva munin'ina waJesu. Saka naiyeyuwo umwe wovanofungidzihwa kuti waiva munin'ina waJesu (Judhasi 1) Tinozivaba kana tsamba rakareri ridonyorehwa kuti itumihwe kuimwe yomakherekhe. Asi nondava yokutora zvinhu zvidosiyanasiyana kubva kuChibvumirano Chokare, tsamba rakareri rinoonewa kunge ridonyorehwa vaJudha. Kunyange zvidodaro zvazvene, tsamba rakareri rinoenda kunovese vadodaidziwa novanodiwa, vari muna Mwari Baba, futi vadochengetehwa Jesu Khirisitu. Tsamba rakareri raJudhasi rinenge ridonyohwa kwapera makore makumi matanhatu mumasure mokuzvahwa kwaKhirisitu.

Chinangwa chaJudhasi chokunyorera maKhirisitu tsamba rakareri nyhokuvapasa chenjedzo kuti vareke kutsambutsiwa novadzidzisi vomabhwodo (Judhasi 4). Anopasa muenzaniso wozvidoitika kuChibvumirano Chokare kuti asimbise kupasa kwache chenjedzo. Tsamba rakareri rinopfungwa dzidowanda dzidofanana nodziri muna 2 Pita, zvichisanganisira chenjedzo pamusoro povadzidzisi vomabhwodo (Judhasi 4, 2 Pita 2:1). Zvakarezvi zvinosanganisawo muenzaniso wonyaya yongirozi nonyaya yoSodhoma noGomora.

Marongehwo

Judhasi anothanga nokupasa shoko rorugare kuvaverengi votsamba yache (Judhasi 2)

Kubva pakarepo anodzopasa chikonzero chaadonyorera tsamba rache, chinova chokuonesa vatendi maitiro yanongozi yovadzidzisi vomabhwodo (Judhasi 3-4)

Mumasure mozvakarezvo anopasa muenzaniso wovanhu nozvinhu zvomuChibvumirano Chokare (Judhasi 5-16)

Zvino anodzopasa nzeru kuvaverengi vache dzozvinhu zvavanofanira kuita pamusoro pochenjedzo yavapasiwa (17-23)

Judhasi anopedzisa tsamba rache nokurumbidza Mwari (Judhasi 24-25)