1 TIMOTI

Tsamba Rokuthanga RaPhauro Kuna

1TIMOTI

Kuwidzira

Tsamba rokuthanga raTimoti ndimwe romatsamba yadonyohwa noNhumwa Phauro kumudzidzi wache Timoti. Tsamba rakareri rokuthanga raTimoti rinofungidzihwa kuti ridonyohwa pakati pomakore makumi matanhatu nomairi kusvika pamakumi matanhutu nomanai mumasure mokuzvahwa kwaKhirisitu. Nguwa yakarei inogona kunge yaiva yokurarama kwokupedzisira hwaPhauro. Iye Phauro wanga achijidzana zvidonyanya naTimoti, zvokutomuita mwana wache. (Vafiripi 2:22. 1 Timoti 1:2, 1:18).

Tsamba irori ndimwe romatsamba manai yadonyohwa naPhauro ndokutumihwa kumunhu kusiri kuKherekhe. Yamwe matsamba matatu njaya, 2 Timoti, Tito naFirimoni. Muna 1 Timoti muno kuraihwa kudowanda pamusoro pokunamatiwa kwaMwari muKherekhe. (1 Timoti 2:1-15). Kutungamira Kherekhe kudokodzera (1 Timoti 3:1-18), noyambiro pamusoro podzidziso dzomabhwodo pakare (1 Timoti 1:3-11, 4:1-5, 6:2-5). Zvakarezvi zvinonangidza madzidzisiro yaPhauro yaaiita kumwana wache Timoti kuti ave mutungamiri womaKherekhe. 1 Timoti inozvidzidzo zvidowanda zvinogona kubatsira vatungamiri vokherekhe yomazuva yatiri, kuti vakwanise kuita ushumiri hunobudirira mumakherekhe yavari.

Marongehwo

Phauro anothanga nokumoresa Timoti (1 Timoti 1:1-2)

Zvino anodzopasa Timoti yambiro pamusoro povadzidzisi vomabhwodo (1 Timoti 1:3-11)

Phauro anoenderera mberi achitsanangura kutendendero yaanoita Jesu Khirisitu (1 Timoti 1:12-19)

Mumasure mozvakarezvo Phauro anoraira Timoti pamusoro pokunamata Mwari nopamusoro povatungamiri vokherekhe (1Timoti 2—3)

Phauro anodzopedzisa tsamba rache achipasa Timoti kuraira kwokupedzisira (1Timoti 4:1—6:21)