1 Johwani

Tsamba rokuthanga

raJOHWANI

Kuwidzira

Tsamba rokuthanga raJohwani ridonyohwa noNhumwa Johwani pamakore yari pakati pomakumi mashano nozana mumasure mokuzvahwa kwaKhirisitu. Johwani haaburike pachenu kuti ndiye munyori, asi chitsauko chokuthanga chinonangidza kuti ipfakazi idoona upenyu nokumuka kwaJesu, (1 Johwani 1:1-3) Mutoo womanyorero yari muna 1 Johwani yanofanana nomanyorero yari muVhangeri ridonyohwa naJohwani. Zvinotendewa kuti Johwani adonyora Vhangeri ridonyohwa naJohwani nomatsamba matatu yanoti, 1 Johwani, 2 Johwani, na3 Johwani paaigara muEfeso.

Johwani adonyora tsamba iri kumaKhirisitu vese panguwa kherekhe yaiva nomatambudziko kubva kuchikwata chovanhu chaiitiwa Nositisizimu, zvinoreva Vazivi voZvidosvisvika. Vanhu vakareva vaitenda kuti Jesu wanga ari Mwari adokwana asi asiri munhu chaiye anomuviri wonyama nogazi paanga ari panyika. Nochikonzero chakarechi Johwani anonyora kuti iye ipfakazi idoona upenyu hwaJesu uye kuti manja yache yadobata Jesu (Johwani 1:1-3). Chinangwa chaJohwani pakunyora tsamba rakareri changa chiri chokuita kuti mufaro wache uzazisiwe (1 Johwani 1:4), kudzivirira vatendi kubva pakutadza (1 Johwani 2:1), kudzivirira vatendi kubva padzidziso yomabhwodo (1 Johwani 2:26), nokupasa chokwadi vatendi kuti vadoponesewa (1Johwani 5:13).

Marongehwo

Johwani anowidzira tsamba rache nokupasa chikonzero chibodzi chaadorinyorera (1 Johwani1:1-4)

Anodzotsanangura kuti Mwari ndiye chiedza, futi kuti tinofanira kurarama fanike zvidoitiwa naJesu (1 Johwani 1:5—3:10)

Mumasure anotiyeuchidza zvomurairo wokuti tidanane (1Johwani 3:11—5:12)

Anopedzisa tsamba rache pana (1Johwani 5:13-21)